ابوي وقسوته علينا وعلى امي سنوات من العذاب وامي متحمله
السلام عليكم
مشكلتي بختصرها ..وهي ابوي ومعاملتها السيئه جدددا لامي ..امي جتها عدة امراض من القهر والعذاب الي عايشته سنوات وللاسف ان ماعندي اخوان ..دايم يسبها لاتفه الاسباب ويتلفظ الفاظ والله انها مررره مخجله الفاظ سيئه جددا ولا تتلفظ الا على الي يعملون الفحشاء والعياذ بالله واحيانا بناتي يسمعون ويقولون لابوهم وزوجي يعصب اوقات يقولي لا تروحين عشان البنات يسمعون ويشوفون معاملة ابوي ..امي دايم تمرض ويرتفع عليها الضغط والسكري واذا شافها يظل يستهزأ حتى على مرضها ولا يهتم فيها طبعا لا مصرووف يعطيها ولا اهتمام واذا تبي شي يقول لها روحي شوفي سواق؟!امي ماعندها اهل مهتمين فيها او باختصار ماعندها الا امها الي عايشه مع ولدها ..لذالك اضطرت انها تعيش معاه غصبا عنها تحملت سنواات طوويله ..انا متزوجه وعندي بنات وابوي محرم علي اني آخذ امي معاي ورح طبعا يسوي لي مشكله كبيره وغير غضبه علي وانا عمري مازعلت امي وابوي ..المشكله ان عدة مرات يتصل لي وانا متزوجه وعندي مسؤوليات ياريت كلامه زين كويس الا يتصل لي عشان يهذر ويسب في امي والله قلبي يألمني ..ان تكلمت وقلت الحق رفع صوته علي وظل يشتمني ويقول اني ظالمه وانا عمري ماظلمت احد لو اني ظالمه كان من باب اولى ماكلم ابوي على الي سواه في امي وفينا ..على كل هذا وانا مازعله ابد..ابوي حتى حنا كانت معاملته قاسيه معانا ..المهم يظل يهذر عن امي وامي مافيه احن منها ولا اطيب منها ..الكل يحبها ..يشتمها ويتكلم عن مشاكلهم ويبيني اعلق؟شنو اقول اسكت وينقهر فيني واقول كلام حق ويشتمني حتى اوقات اكون مشغوله مايهتم يظل يهذر واسلوبه سيء في النقاش ..للعلم بان حتى زواجي تم بصعوبه بسبب ابوي ومعاملته القاسيه على زوجي ..مايعجبه احد نهاائي ولا فيه احد الا شتمه ودايم يتكلم على الناس بالسوء ..يتكلم على امي عند الرجال حتى امورهم الخاصه! وامي تسمع بالصدفه من زوجاتهم وتمرض من القهر ..احيانا يضربها ..وكثييير يصارخ عليها دايم يتعمد انه يخلق مشاكل حتى لو هي ساكته ماتسوي شي ..اختي دايم مضجره من معاناتها مع ابوي ..مايجب يتحمل مسؤولية احد نهاائي ..حارم امي من اهلها وهالفتره امها تعبانه في المسشتفى وامي متضايقه وابوي يهاوشها ..لما تقوله ابي اروح اشوف امي يصارخ عليها ويقول لها روحي انتي تصرفي ولا بدفع ولا ريال؟!تخيلوا..امي في هالازمه وهو كذا بدل مايخفف عليها للعلم بان فيه فرق في العمر هو اكبر منها بـ15 سنه او اكثر ..عانينا كثير وانحرمنا من اشياء كثيره ..قبل لا اتزوج اذا بنروح نزور اهل امي يعصب واذا رحنا بصعووبه يعطينا وقت محدد بسيط جدا..اذا بنطلع نبي نغير جو ممنوووع ويظل يكرهنا في هالطلعه الي بنطلعها ..يكرهنا في اهل امي لانه يكرههم من غير سبب ..مايعطينا مصروف الا مبلغ بسيط مررره من خلاله مايكفي نشتري لنا ملابس لما تزوجت وجربت الامومه ولقيت زوجي كيف يعامل بناته استغربت وكرهت اكثر معاملة ابوي ..كيف كان له قلب يعاملنا كذا؟يحرمنا من كل شي وانا اشوف بناتي مو قادره احرمهم من شي وابوهم بسرعه يكسرون خاطره ويلبي متطلباتهم ..ليش ابوي كذا؟اختي الكبيره لما يتقدم لها خاطب يظل يهذر ولا يعجبه ويبي يهاوشه!والله لولا اني اقوله اختي كبيره حرام بعدين من بيظل لها واحاول ااني اقنعه والله كان اخر خاطب ابوي كل شوي ويقول بتصله وهو يشتمه ..امي تعبااااانه وخايفه عليها ..وحنا مابيدنا شي نسويه ..للاسف انا بنات وانا في حكم زوج وزوجي دايم مشغوول مايرجع الا متأخر وابوي محرم ان امي تجي عندي عشان خايف لا تسكن معاي للعلم بان ابوي يخاف مرره انه يظل لحاله ..