ابني عمره سنتين و نصف ولا ينطق الا كلمات بسيطه جدا الصراحه كل اطفالي كانوا يحكوا بدري كتير
لكنه سبحان الله هو غير اخدته على اخصائيه تطور و اعصاب والحمدلله ما في شيء بس لازم نعمل فحص للسمع علشان نتاكد انه سمعه سليم وانه كمان الكلام بيوصل للدماغ و يتفسر بالطريقه الصحيحه مع انه ابني ما شاءالله ذكي لكن احيانا ما بيرد علي اذا ناديته فلازم نتاكد من السمع وكمان ابني بتيجي اخصائيه على البيت 3 مرات في الاسبوع علشان تعلمه لكن الصراحه ما شفت هاتطور الملحوظ علشان هيك سجلته في المدرسه لانه بحاجه يختلط مع اطفال وناس غير لانه بلاحظ على ابني انه الشيء اللي بده اياه بيحاول يحكيه
بس طول ما انا عارفه شو بده ما بيحاول يحكي ابدا
يعني مثلا لما يكون جوعان بيروح على التلاجه بيطول اللي بده اياه بدون ما يحكيلي
لانه الاسهل اله انه يتصرف من حاله بدون مايحكي و يتغلب فيمكن روحته على المدرسه تجبره على الكلام
اما الاساليب اللي الاخصائيه بتعملها معه فهي انها بتيجيب مثلا puzzleوبتخلي يركبها
او الوان او انه يحاول يحط بعض الالعاب على حسب احجامها مع التركيز على اسمائها او اسماء الالوان و الاشكال و هيك شغلات ان شاء الله اكون افدتك ولو بشي قليل لانه انا عم بعاني من نفس المشكله مع ابني يارب انه ابني و ابنك ينطقوا في اسرع وقت