السلام عليكم
قبل شوية كتبت رد طوييييييييييييييييل وانحذف
بس مو مشكلة بحاول ارجع اكتبه من جديد
سامحوني بناااااااااااااااااااااااااات على التاخير
كلمت زوجي بعد اخر مكالمة تم بيننا واكدلي انه بالفعل خطب وحدة وعندي خيارين امه اني ارضى واوافق وبدون مشاكل لانه متزوج متزوج و مو انه الي امنعه وبين االطلاق وانا الي اختار
طبعا بكيت من قلبي ليش كدا ..قالي ابغا ارتاح وما لقيت الراحة كلها مشاكل لك شهر متغيره علي ....قلتله اوعدك امور كثيرة راح تتغير وانا كلي حسرة والم بس علشان قلتله انت ما تهتم فيني ...سويت كدا ومنت مرتاح طيب وقبل الشهر قالي كنت مبسوط جدا ...الي زعلني اني بالفعل كنت متغيرة جدا احسه صاير اناني بكل وضوح
بكيت من قلب وحسرة والم ..بكيت على السنسن الي راحت وعلى الامل وعلى كل اللحظات الي ممكن تنهار بسهولة
ولما حس بحسرتي تغير شوي وقالي اذا تغيرتي راح ابطل زواج واتصل على ابوها الان ..قلت له راح اوعدك بشوف حل في عصبيتي الان ودي نرجع مثثل ما كنا ..وانا في داخلي خوف منه وماني مطمنة ...كنت ابغا العلاج منه والمشكلة هو السبب في عصبيتي الزايدة
قفل واتصل بعدها وقالي اني كلمت ابو البنت واعتذرت واشوف ايش راح سوي
ومن بعدها صار يدق علي يحاول ينرفزني ويضاقني كل شوي ...وعلى حسرتي اروح الحرم كيف راح اواجهه من جديد وكيف الوحدة تقدم عمرها نظير كل هالحسرة والام ...والله ما ادري
الين اتصل وارسل انه محتاجني معاه وانا لاهية باهلي ...ومن هالكلام
المهم حجزت في الخطوط ورجعت بيتي الخميس واشتريت له هديه بصراحة خمس هدايا ....منها اكواب عليها صورته عجبته بالمرة
بس ما زال يحاول يضايقني شوي ...يقولي انتي تقولي اني ماني مهتم خليني اثبتلك العكس واتغير في التتعامل لعل وعسى تعرفي او تحسي فيني الين تغيري ....
امس اخر مرة فتح موضوع الخلفة ويقول اتمنى اخلف منك بس الناس هي الي تضغط علي كل يوم واحد جايبلي وحدة يبيني اخطب على قولتهم انه اثنين مو كفاية لانه عنده ولدين بس
بس الحين ما ابغا من غيرك والله يكتبلنا الخير مع بعض ....
ما زال كلامه دا بخاطري اخاف بكرة يتغير الكلام وعند اقل موقف او زعله يروح ويخطب على طوووووووووووول مثل ما سوى الاسبوع الماضي
الله يتكبلنا الخير كله
وعرفت منه كمان انه ياخد حبوب اكتئاب لانه كان متازم من مشاكل برة البيت علشان كدا كان متوتر وعصبي طول الوقت وانا زدت عليه المشكلة حتى وراني شريط الحبوب
بس يا بنات الخبر الحلو
انه امس قالي متى نبدا نراجع عند الدكتور علشان موضوع الحمل من جديد ....
وما زلت مع الاستشارة النفسية
بس زوجي ما قلتله انه اراجع مع مستشار نفسي
الحمد لله على كل شي
والله احس انه صبتنا عين قوية ...الله يعين يااااااااااااااااااااااااااااااااااااااارب
ولا تنسوني من الدعااااااااااااااااااااء
__________________
