إهمال الدنيا وخوف الأخرة ولكن :(
السلام عليكم ورحمة الله وبركاته
أخواني .. أخواتي
بصراحه مدري وين أبدا بالظبط تعبت تعبت مره على حالي حاولت أعالج نفسي بنفسي ماقدرت أتعالج يوم وأرجع 10 أريام
مشكلتي [ ماتهمني الدنيا أبد أبد أبد !! ] ليتني على كذا تهون المشكله إني مو ذاك الزود لأعمال الاخره
تخيلوا لو بقرأ كتاب لأحد المشائخ المعروفيين ويكون هالكتاب عن أمور الدنيا لكنها مفيده ونافعه أقول يابنت الحلال تضيعين عمرك على كتاب أشغلي وقتك بالقران وليتني أقرأ قران ما أقرأ بس أتكلم <يعني أخسرهم كلهم
مثلا عندكم الاهتمام بالنفس مجتمعي بشكل عام مهتم بنفسه مره مره مره وأنا تفس الشيء ولو يحصل لي ما أهتم بنفسي !!! أبغى بس أمسك سجاده وجلال وأصلي وأدعي وأذكر الله يعني كأني مغصوبه على الكشخه والاهتمام بالنفس والتثقف احس هالاشياء تضيع العمر وإذا فات الفوت ماينفع الصوت وش بقول لربي إذا سألني عن عمري فيما أفنيته ؟ اقول على أسواق وإجتماعات وكتب وإهتمام بنفسي ؟ دايم أقول ليتني على عصر الصحابيات او عصر جدي وجدتي العمر يروح على صلاة وعبادة دايم عمري أشوفه قدامي أحاسب نفسي على كل صغيرة وكبيرة لما أسوي اي ذنب أنقهههر وأقول ضاع عمري ليتني مستغفرة بدال ما أسوي هالذنب لما أروح للسوق أحس عمري يروح ودي تجيني الملابس كذا بدون ما أضيع وقتي تخيلوا وانا أتروش أقول يوووهـ ضاع عمري ماقدرت أستغفر بدورة المياة الله يكرمكم المشكله ليتني أسوووي هالأعمال على كل هالتفكير والتععب بسس أفككر وأتعب إذا أجتمعوا خوالي او عماني اقول يووهـ ضاع عمري على سواليف وضحك =( قهر ولو أجلس لوحدي أعرف روحي بجلس يا ع النت او التلفزيون أو أقرق مع أحد أو أفككر وأسوي للإخرة شيء بسيط والله اعلم ماهو عند الله بس ليه كذا أتعب نفسي بالتفكير مالا طاقه لي به
هذا شيء الشيء الثاني فيني خوووووووووووووووووووووووووووووووووووف من يووم القيامه ماتصورونه احس القيامه بتصير بكرا دايم أفكر يالله إذا السماء أنشقت كيف بتحمل أشوف هالمنظر المرعب إذا البحار سجرت كيف بتحمل كيييف أتخيل شكل النار يالله طيب انا سويت ذنووب كثيره هذا وهذا وهذا خايفه خايفه مره
وأحيان أقول لنفسي تخيلي زيت قلي يغلي ويرمونك الملائكه بأخر الزيت يالله مو ثانيه ولا ثانيتن سنييييييين وممكن قرون حسب ذنبي يالله أخاف مرررررررررره وأقول ليش الناس تركض وراء الدنيا ووراهم عذاب وإذا تذكرت الجنه ونعيمها أخاف ما أصير بالفردوس الاعلى وخلاص مقدر أرجع للدنيا مره ثانيه وأعمل عمل صالح علشان أكون بالفدروس الاعلى ومثل ماشفتوا الان الفتن خايفه الجيل اللي بعدي وش بيصير إذا جيلي هذا كله فتن الجيل اللي بعدي وش بيصير ؟!!!
مدري كيف أنهي كلامي لكن والله تعبت ودي أستمتع بحياتي بأشياء حلال بدون ما أفكر بالعمر أحس عمري راح لاعلى هذا ولا على هذا والسبب الشيطان أحسه جالس لي جلسه ويخربط على رأسي
علما بإني احس لما أعالج نفسي بنفسي بالكلام أخف شوي والحين الحمدلله خفيت عن اول بكثير بس باقي للحين اتعب
وجزاكم الله خيرا
التعديل الأخير تم بواسطة المنصدمه ; 02-05-2011 الساعة 01:22 AM