الله يهدي اهلكم ويحنن قلوبهم عليكم يارب
اهم شي انتِ وزوجك لازم تكونوا مترابطين مع بعض وماتخلون هالشي يهزكم او يهز علاقتكم ..اكيد وجود اهلكم شي ضروري بس شتسوين مابيدك شي الا الدعاء ومحاولة الاستمرار بالتواصل معاهم عن طريق الاتصال اقل شي ممكن تكلمين وحده من اخواتك تحاول تناقش امك وتلين راسها وتحننها عليك ومره على مره ان شاء الله بتحن وبترجعون احسن من اول
وبما ان معاك شهاده جامعيه ان شاء الله تتوظفين بس علبال ماتجيك الوظيفه استفيدي من شهادة التجميل واقنعي زوجك بضرورة العمل علشان راح تساعدك في نفسيتك الحين وكمان تساعدينه في المصاريف ممكن تاخذين قرض من عبداللطيف تفتحين مشغل او تاخذين بضاعه وتتاجرين فيها عن طريق النت بس اهم شي على قولة اخونا حياة افضل لازم تدرسين المشروع زين علشان ماتتورطين واكثري من الاستخاره بهالخصوص وحاولي تأجلين فكرة الحمل لفتره معينه...واكثري من الاستغفاروالإلحاح بالدعاء...
الله يكون معاكم ويفتحها بوجهكم ان شاء الله ويحنن اهلكم عليكم
التعديل الأخير تم بواسطة زحمة ذكريات ; 02-05-2011 الساعة 12:48 PM