ما تزعلي من كلامي يا غزلان لكن ما شعرت انك ندمانة على سبب زعلك أهلك منك وبررتي لنفسك وحطيتي الغلط على أمهاتكم .
اللي صار زنا يا غزلان ... وزعل والدك منك لأنك خذلتي ثقته فيك .. وما أدري اذا هو فعلا تابع لوالدتك لكن بالتأكيد أنتي خذلتيه أمامها .. تصرفك هو السبب بالكلام القاسي اللي سمعته جدتك مو قساوة قلب والدتك ولا استهانتها بجدتك .. انتي من أعطاها الفرصة لاهانة جدتك .
واذا والدتك غلطت وما أحسنت التصرف بطريقتها بتصحيح غلطتك فهذا ما يمحي غلطتك ولا ينفي انك انت أساس المشكلة مو والدتك .
احمدي ربك انه ولد عمك طلع رجال وتمسك فيك مع انه كثير من الرجال ما يقبل بالبنت اللي تغلط ولو انه غلطتها معاه ... يفهموها انه مثل ما غلفطت معي ممكن تغلط مع غيري .
احمدي ربك على زوجك وعلى عقله الكبير بتعامله مع أهلكم .
واذا ودك أهلك يسامحوكي أطلبي السماح من رب العالمين بالأول ... التوبة من أي ذنب هو الشعور بالندم عليه ... هل انت فعلا ندمانه على اللي صار بينك وبين زوجك قبل زواجكم ؟؟؟؟؟؟؟؟
توبي لله توبة نصوحة ... واصبري على جفا أهلك واعطيهم وقت حتى يقدروا يتناسوا عملتك .وقدري موقفهم وشدة صدمتهم فيك وبالذات والدك اللي كان يعاند والدتك حتى يرسلك لبيت جدك وخذلتيه وأثبتي له انها كانت على حق .
ربي يهديك ويصلح أمرك ويهدي قلب أهلك ويصلح ما بينكم .
__________________
