اقتباس:
المشاركة الأصلية كتبت بواسطة Beta2
[COLOR="Purple]
أتمنى أخي أن تراجع الرد 78 والرد 81 ففيهما ردود على نقاط معينة لها دور كبير بعلاقتها بوالديها وردت في مشاركات الأخت غزلان ... [/COLOR]
|
الأخت الغاليه بيتا أنا حبيت أوضح لك النقطة إللي إنتي مستغربه منها ولا أقصد إشراكك في الكلام إللي قاله الأخ رجل الرجال عن ساكني الأرياف وهاذي المشاركة إللي إنتي كتبتي فيها إستغرابك من أهل الأرياف في السعوديه وأنا كان كلامي أ كثره موجهته للأخ رجل الرجال إللي أساء بشكل واضح وصريح لسكان القرى والأرياف بالسعوديه وأتهمهم بقلة الوعي والجهل وبصراحه رجل الرجال إنسان عاقل وفاهم ونكن له الإحترام والتقدير وله مشاركات ومواضيع تكتب بماء الذهب بس مدري كيف طلع منه هالكلام بحق أهل الأرياف
فارجوك يا أختي الغاليه ما تزعلي ولا تاخذي بخاطرك مني وأنا حبيت أن أوضح لك إن أهل الأرياف أناس محافظين ومستحيل إن هناك من يتساهل بالأعراض علشان إنه جاهل أو ماعنده علم وفقه بأحكام الدين
والحمدالله أرياف السعودية فيه منهم الشيخ العالم والطبيب والمعلم والمهندس والضابط والمسؤل وهذا كله بفضل الله وفضل حكومتنا الرشيده والمدارس متوفره عندنا بكل مراحلها وحتى توجد مدارس لكبار السن نحو اميه وحتى إللي مايقرأ بلأرياف يستمع وإذا صعب عليه شئ سأل عنه إللي أعرف منه وأنا شفت حتى عيال الأرياف يحترمون الكبار ويوقرونهم أحسن من بعض عيال المدن المتحضرين إللي إذا الواحد منهم نصحته طلع لك لسان طوله ذراع وسبك وسب جد جدك وعليها تفلتين بوجهك بعد وبصراحه أنا لو بتكلم في هاذي المقارنات ماني بمخلصه منها وأنا حبيت أعتذر منك إذا شفتي ردي هاذا لأني أنا بصراحه كمان إستغربت من كلماتك في مشاركتك في ردك على الأخ رجل الرجال عن أرياف السعوديه والمفروض إذا حصل خطأ من أي فرد في أي قرية ريفيه فهاذا الخطأ يخص صاحبه ولايخص جميع سكان الريف ولا يعتبر إن كل سكان الريف يحملون فكر واحد أو أسلوب واحد وإن طبايعهم واحده فالتعميم خطأ فأرجو منك إنك تكوني فهمتي قصدي
بوضو ح وأنا ما أرضى أبد إن أي أخت أو أخ في هاذا المنتدى يتضايق أو يزعل مني وإنتي غاليه عندي ولذلك أنا مسوية إضراب عن المشاركات حتى أشوف ردك على مشاركتي هاذي .
أختي في الله غزلان سامحينا أثقلنا صفحاتك يالطيبه .