البارح سارت مشكله على اشياء قديمه زوجتي دايما تثيرها تقول ليش كل مااتصل مشغول وانا مكان عملي ضغط موظف رايح وموظف جاي وغير الشغل اللي على جهاز الكمبيوتر والاجتماعات ولكن لما اقول مشغول تقول انت طفشان مني وليش ماتعترف انك ماتبغى تكلمني ولو اقول مايعجبني اسلوب التحقيق لما ارجع من برا تقول انا زوجتك من حقي اعرف كل تحركاتك تقول طيب ليش ماتزوجت وحده طرما عشان ماتسأل ... والشي الثاني تتضايق لما ازور اهلي جدااا ودائما تقول انت مبسوط مع اهلك وتضحك اكثر وتتكلم ,,, اصبحت عبوس مع اهلي ولاأزورهم الا نادراً جدااا ومعها بعد ولااكلم الا زوجتي عند اهلي ولو نجي نتفاهم على شي تجلس تطلع الأول على التالي وتبكي طول المناقشه ولو زادت المناقشه يغمى عليها ,,, وتقول انت خليتني تعيسه وكنت عند بيت اهلي مبسوطه والبارح طلبت هي الطلاق واصرت عليه وقالت ماابغاك ولاابغى البيت وكرهتك ولبست العبايه وقلت اوصلك عندهم قالت انت ماحسبت بدل ماتراضيني تقول اوديكي وقالت طلقني وانا قلت مستحيل انا احبك ومااطلق لأسباب تافهه قالت يعني تخليني غصب ياخي ماابغاك ,, وانا خرجت من البيت ونمت في السياره الى الصباح ولافكرت تكلمني رجعت الصباح لقيتها نايمه وجيت العمل,,, والله يعين على حياتي معها ياناس والله ماني مقصر معها وكل طلباتها أوامر حتى طبخ وغسيل وكوي مااطلبها كله من برا أو انا اقوم فيه والراتبين حقت الملك كلها حطيتها في يدها مع اني انسان عندي ديون بس ابغى احافظ على بيتي لايخرب المفروض تقول خليها سدد ديونك وهي تعرف ان علي دين بس مدري ايش تبغى اناااااااااااااا طفشت خلااااااااااااااااااااااااااص