ازيكم يا حلوات
ربنا يبارك فيكم واحدة واحدة و يفرح قلبكم باكتر مما تتمنو واحدة واحدة
معلش غبت عنكم عشان النت كان بايظ و حولنا لشركة جديدة لسة يا دوبها شغالة النهاردة
نبتدى
غموضة الحلوة بسم الله ما شاء الله ربنا يباركلك فى الاستاذ حمودى و يفرحك بيه و باخواته يا رب
مش عارفة كان فعلا اختى الصغيرة خلفت فرحنالك من كل قلبى
بجد انتى مش نعم الاخت لأ انتى نعم الانسانة بما يحويها من كل معانى الانسانية
ربنا يفرحك دنيا و اخره
مرميس !!!!!!!!!!!!!!!!!!!!!!!!!!!!
مش عارفة حاسة انى "شلت يدى" على راى ابا لهب
هو انا يا مش فاهمة يا هبلة يا عبيطة يا التلاتة مع بعض
يعنى ايه يكلم ابو البنت حتجوز بنتك و بعدين يكلمه تانى لأ خلاص مش جايلى مزاج دلوقتى اصل نفسى منقرفه؟
هو ايه بنات الناس لعبة؟!!!!
انا اصلى مش عاجبنى الموضوع من اوله لاخره بصراحة
رفقا بالقوارير ، رفقا بالقوارير ، رفقا بالقوارير
اخبار الرفق ايه انه يقهر قلبها لأ وقاعد يختبر فيكى باستفزازه عشان يشوف اخرك ايه؟
هو ايه ، مين ، ازاى ، ليه ؟؟؟؟؟؟؟؟؟؟؟
مش انت عاوز تتجوز اتجوز مانت اصلا متجوز
نيجى بقى ليكى
فكرتينى بسمية الخشاب فى تمثيلية الحاج متولى لما مكانتش عاوزاة يتجوز الرابعة عشان المرة دى حيتجوز عليها هى مش على الاتنين التنيين
شكله اصلا مش بيعدل بينك و بين مراته الاولنية فعشان كدة انتى خايفة يتجوز التالتة
و نيجى للنقطة دى اذا مكانش بيعدل يبقى المفروض انتى تحسيه على العدل طبعا الحب مش بايد حد يعنى ممكن يحبك اكتر لكن نيجى للعدل لازم يعدل
"لن تنالو البر حتى تنفقو مما تحبون"
و اعتقد الانفاق مش فلوس بس
و بعدين انا حساه مشغلك بالزنبلك مش على هواه هوبا حتجوز رجعتى لصوابك و عقلك لأ خلاص عفونا عنك
و انا بصراحة المنطلع دا بيجبلى حموضة ايوة حموضة انا مش تحت امر حد انا انسانة فيا هرمونات بتتنيل اصلا قبل كل دورة و ببقى عاملة ذى انثى العنكبوت ميستحملنيش جوزى يعنى؟
بصى انا عارفة انا بكلامى دا بعك و ممكن تتضايقى بس بصراحة مقدرتش خالص عندى احساس انى عاوزة اجى احطك ورايا و ادهمله كدو اجوازا و افرادا "عارفة انك مطلبتيش" بس محروق دمى على بنت حوا اللى الناس مستضعفاها و بتديها على قفاها
بتديها على قفاها
و بمناسبة الجملة دى نيجى بقى للاخت العزيزة زهوووووووووووووووووووور
يعنى اقعد عليكى ابطتك؟
"المرأة وهي في كااامل حقوقها ولم يضغط عليها أحد هي داائما من يتناازل لان الله خلقها مهيأة للتضحية"
اييييييييييييييييييييه الزفت دا؟
يعنى انا مخلوقة عشان اتلطش لأ انا مخلوقة عشان ابقى هنومة و جوزى و ابويا و اخويا يدلعونى اومال هم واخدين القوامة كادو يعنى و انا فوق البيعة؟
المفروض ياخدو بالهم منى و يدلعونى و يحمونى و مش حقول يحبونى الحب دا حاجة مش بايد الواحد
"وإلا لما كانت لديها عاطفة الامومة وضحت لأبنائها"
ولاااااااااااااااااااااااادى
رعيتى انا مسؤلة عنهم و جوزى راعينى مسؤل عنى
"لابد أن نعترف أن المرأة هي خلقت في موقف أضعف من موقف الرجل الاقوى"
معلش متعمليش حسابى فى الاعتراف دا
محدش ماسكلى ذلة عشان يكون موقفى اضعف ليه موقفى اضعف ان شاء الله؟
بجد ليه؟
مش فاهماها
"ولهن مثل الذي عليهن بالمعروف وللرجال عليهن درجة والله عزيز حكيم"
و اذا انا اتخلقت اضعف من الراجل دا بقى عشان اكون سهلة انه يكسرنى ولا عشان هو اللى يحمينى؟
يا بنات حوا انتن عزاز كرااااااااااااااام و لا تهانو و متسمحوش لحد انه يقل من قيمتكم او من كرامتكم
انا بكرمى دا مش بقوم مرميس على زوجها خاااااااااااااااااالص
اللى انا ارضاه على نفسى ممكن هى مترضهوش على نفسها و اللى انا استحمله ممكن هى متستحملوش برضو
لان ربنا مخلقناش كلنا ذى بعض
انا بقول راى بس
بس بجد مش بستحمل اى حد يتكلم على الستات من باب الضعف او انهم اقل من الراجل
بالعكس انا جوزى من كتر ما بزهقه بموضوع انه قوام على "و انا مستمتعة جدا ان القوامة تبعه مش تبعى" بيقولى طب خديها انتى و تكسبى فيا ثواب
معلش اذا حد زعل من كلامى انا بجد اسفة اسفة اسفة بس مش بقدر "شكلى لازم انضم لجميعة حقوق المرأة"
دودى حبيبتى انا اهل جوزى برضو كنت بالنسبالهم انفيسابل يعنى غير مئية خااااااااااااااااااالص
يعنى تتفتح دماغى اعمل عملية اروح فى داهية عادى و ايه المشكلة
بس بعد ما خلفت كريم اوعى وشك التغير الغريب و العجيب و دا برضو مضايقنى انا ليا قيمة من قبل ما اخلف مش بعد ما خلفت بس
بس برجع و بقول الواحد مش حيفصل ناس على مزاجه
و انتى و هم خارجين قوليلهم عاوزة اخلص اللى واراي انا كمان لانى مش حلحق
عموما تروحى و ترجعى بالف سلامة و ان شاء الله تغيير الجو يغير حاجات كتير
نعومة الف سلامة عليكى يا سكرة و ربنا يثبت اجنتكم و يفرحك بيهم
زروفة حبيبتى معلش قددر الله و ما شاء فعل
و انا من رايى متتعبيش نفسك و مبايضك بتنشيط يعنى جوزك مهم يتعالج و العسل و الخلطات كويسة مش حتضر
ملوكة تروحى و ترجعى بالف سلامة و متنستناش بدعواتك الحلوة
نورا وحشاااااااااااااااااااااااااااااانى جدا ربنا يقومك بالف سلامة
سعود حبيبتى كل ما يضيق صدرك استغفرى كتير لانه بيكون شيطان و عمره ما حيجيلك لما يلاقيكى كل ما يجيلك بتعملى حاجة تاخدى بيها ثواب فحيجرب فى ناحية تانية
و ربنا يبعد عنك و عنا الشيطان يا رب
باقى البنات بحبكم فى الله
__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة