هلا بالطيب الغالي
عزيز و شوفتك غنوه
ترى ماجا على بالي
أشوف طلتك الحلوه
ويامرحبا عدد ماسال سيل
ويامرحبا بريح الخزامى والهيل
وشوفة القمرغيرعن نجم سهيل
إذا إكتمل البدر في نصف اليل
وحيا الله أم حسن وحيا الله هالطلة الزينه إفتقدناك وإفتقدنا لمساتك وعباراتك الحلوه وألف مبروك ياعروسه وبارك الله لكما وبارك عليكما وجمعكما بخير بصراحه سفرية عرسان من جد الله يسعدكم ويهنيكم وأنا ما أحب أقرص ولا أعض ولا أدي كفوف أنا أحب أبوس وهاذي بوسه امواااااااااااه على راسك من فوق على هالأخبار الحلوه والحين بقول لك شئ إسمعي يا جرين فايدتك في زوجك فلا تبتعدي عنه العيال مصيرهم يكبروا وكل واحد يشق طريقه بنفسه للحياة لاكن الزوج شريك العمر هو إللي راح يبقى معاك لآخر الطريق إلا إذا أراد الله بشئ آخر في حياة الزوجين وإنتي الحين عيالك كبار تقدري تاخذي حريتك وراحتك مع زوجك والوقت هاذا بالنسبه لكم وقت راحه وإستجمام من عناء الحياة والشقاء والتعب إللي تعبتوه وإنتو تربوا عيالكم و سعيتوا بأن يكون أولاكم بأفضل حال من تربية وتعليم و عيشه كريمه وفرتوها لهم ومدام إن عيالك كبروا وصاروا فاهمين فصار عليك الآن الإلتفات لزوجك وإحتياجاته بالذات إن الرجل أحوج مايكون لزوجته في هاذا العمر يحتاجها أ كثر من بداية شبابه لأنه في عمر الشباب كان مايحس بحاجته لزوجته بكثره لأن عنده أشغال وإهتمامات أخرى مثل شغله وإهتمامه بتوفير العيش الكريم لأسرته فتجدينه يلتهي في أعماله وأشغاله والزوجه كذلك تلتهي بالحمل والولادة وتربية الأبناء
وكل واحد فيهم في بداية حياته يجد مايشغله عن الآخر ولايجد الوقت للإحساس بالطرف الآخر وبإحتياجاته ولاكن بعد مايتقاعد الواحد من عمله وماعاد يكون عنده شئ يشغله
ومع التغيرات في تقدم العمر تجده يبحث عن ما إفتقده في بداية حياته ويريد يعوض مافاته من حب وحنان وعاطفه فيبحث وراها عند شريكة عمره ويبدأ بإيقاظ مشاعرها المختزنه في داخلها وزوجك الآن يبحث فيك عن جرين الفتاة الشابه اليافعه التي تملأها الحيوية والنشاط ويريدك أن تشاركيه أحلامه وذكرياته وإحتياجاته بدون تدخل طرف ثالث في حياتكم حتى لو كان أولادك خصوصا إنه يشوف إنهم كبروا وإنهم لم يعودوا بحاجتك والآن حان الدور بأن تعوضي زوجك عن ما فاته في بداية الحياة وهو كمان لازم يعوضك عن كل مافاتك وأنا حاسه إنه نفسه يعوضك ويرجعك لفترة أيام زواجكم الأولى بس إنتي أحسك ما إنتي متحمسه وبتحبطين الرجل مسكين من أول رحله سافرتوا فيها وإنتي بنفسك شفتيه عقب رجوعه من السفر كيف تأزمت نفسيته
فلازم إنتي تبتعدين عن الحديث عن الأولاد وقت إنفرادكم ببعض وتبعدي عن أي سالفه تنكد عليه راحته و كل ماطلب منك شئ نفذيه له بدون إعتراضات وأعذار لأن إنتي الحين ماعاد عندك شغل غير زوجك عيالك كبروا خلاص كلن يهتم في نفسه وإنتي وزوجك متعي نفسك سفريات وطلعات ولا تقولي الا ليت الشباب يعود يوما أخبره بما فعل المشيب هاذي أنا عندي معكوسه أقول ألا ليت يأتي المشيب حتى أنسى
مافعله الشباب
وترى حنا لو بنجلس ورى عيالنا مدى العمر الظاهر يتزوجون الأحفاد وحنا باقي راعين فيهم ونربيهم ولا درينا عن حالنا أبد يمكنا ننازع الموت وحنا نسأل عنهم فلان ذاكر دروسه فلان أكل فلان شرب لا حبيبتي كل شئ وله حدود ولنفسك عليك حق وزوجك حطيه في أولوياتك بالذات الحين ماعندك شئ شاغلك عنه إهتموا في بعض وعوضوا أنفسكم عن التعب إللي راح وعيشوا حياتكم بالعرض والطول ونسأل الله أن يوفقك ويسعدك ويشفي لك زوجك شفاء لايغادر سقما وربنا يحفظه ويخليه لك ولعيالك يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله