هلا والله وحياك الله يا أنفاس العطور وصدقتي في ما قلتي بارك الله فيك أنا لي صديقه ماشاء الله عليها دينه وتخاف الله لدرجة لو إجتمعنا مجموعة حريم بجلسه ماترضى بالغلط أبد ولاتخشى في الله لومة لائم نحسبها كذلك والله حسيبها وصديقتي هاذي لها جماعه تجتمع معاهم بإستراحه في أيام الأعياد فطبعا هيه ماتحب تطلع معاهم كثير بس زوجها يصر على طلعتها هي وبناته للإستراحه بحكم إنه دافع معاهم قطة الإستراحه ومستحي يروح لحاله فطبعا تروح علشان خاطر زوجها فجا مرة وإجتمعت مع جماعتها فشافت في الإستراحه بنات من جماعتهم لبسهم فاضح ويفشل تقول لابسين من فوق الركبه وخفيف وشفاف وضيق وبناطيل مشققه وإللي ظهرها طالع نصه وإللي صدرها مكشوف وتقول شئ تستحي تناظر فيه قامت الحرمه هاذي لأمهاتهم داخل بالإستراحه بقسم الحريم الكبار والبنات الشابات جالسين لحالهم في مكان خاص فيهم فقامت مسكينه مسكت أمهات البنات على جنب وقامت تنصحهم وتقول لهم يا أخواتي أنتم حريم كبار وعاقلين وفاهمين وعيب تخلون بناتكم يلبسن هالملابس ويطلعون قدام الناس بهاذا الشكل هاذا مايجوز وحرام عليكم أنتم مسؤلين عنهم يوم القيامه وهاذي رعية وكلكم راع وكلن مسؤل عن رعيته فإتقوا الله في أنفسكم وفي بناتكم تقول إلا وقاموا عليها قومة وحده أنت يامطوعه حنا بناتنا متربين أحسن منك وأشرف منك ومالك دخل في لبس بناتنا حتى لو يمشوا عريانين إنت وش دخلك كان جلستي ببيتك إذا ماعجبك حال غيرك وكل هالكلام صوب وكلام وحده من أمهاتهم صوب
قالت لها إيه بلبس بنتي كذا وأنا أشجعها تلبس كذا وغصب عليك وأنا راضية لها وأبوها راضي لها وخلي ربي يعلقني بلساني ويعذبني بالنار أنا إنتي وش دخلك وش خصك فينا وتقول ماعاد عرفت وش أقول غير حسبي الله ونعم الوكيل تقول والله ماعاد باقي إلا شوي ويطقوني طق وبصراحه أنا صديقتي ماقالت لي السالفه لاكن لي جارة من جماعتها كانت بالإستراحه وشافت الموقف وعلمتني عنه وأنا رحت أتصلت على صديقتي وسولفت معاها وعقبها سألتها عن إيش صار معاها وقالت لي السالفه كامله قالت يا أختي والله البارح كان ماراح أطلع من يدين أمهات البنات إلا عظم بسبب المشكله إللي صارت لاكن خلاص يكفيني وأنا أختك بجلس في بيتي أحسن لي من إني أشوف هاذيك المناظر ولا أقدر أتكلم ولو تكلمت رحت فيها خلاص ماعاد بروح معاهم أبد لو يصير ماصار يكفيني إللي صار بصراحه أحيانا تقوم تنصح بالتي هي أحسن تقابلك وحدة قشرى ماعندها يمه إ رحميني
إما إنها تمد لسانها عليك ذراع قدام الناس وإلا طبت بشعر راسك قدم خلق الله أنا عن نفسي لوبغيت أنصح حرمه من غلط أجرها على جنب في مكان منعزل علشان لو نصحتها وماتقبلت وتصافقنا أقدر أدافع عن نفسي لو غلطت عليه سوى لفظيا أو جسمانيا ولامن شاف ولا دري
ههههههههههههههههههه
أمز ح معاك ماقد صارت معي الحمدالله أحب أنصح بس لو شفتها ماتقبلت مني و إبتدت تهذري أتركها وأمشي بعدين أنا من طبعي لوجيت بنصح أي حرمه بالذات إذا كنت ما أعرفها أول شئ أقرب يمها وأقول لها السلام عليك حتى تسترد السلام عقبها أقول لها كيف حالك وبعدين أقول لها الله يجزاك خير عندك ساعه لو قالت إيه أقول لها بالله شوفي الساعه كم أسألها حتى لو أنا ما أبغى موعد الساعه يعني أنا عندي ساعه بس أدور مدخل أدخل منه لنصحها وعقبها أتجاذب معها أطراف الحديث حتى أوصل لغايتي حتى لو عندها عيال و إضطريت ألعب مع أطفالها وأسألهم عن أسمائهم وإيش يحبون وأمزح معاهم وأضحكهم أهم شئ أوصل لمقصدي والحمدالله دائما عند نصحي لهم ألاقي قبول حسن عند أكثر النساء وحتى بعضهم تطلب تتعرف عليه وتاخذ رقم جوالي وتتصل عليه وتزورني البيت حتى في المستشفى أثناء تنويم أبنائي
والله حريم ياكثرهم أنصحهم ويتقبلون النصيحه بصدور رحبه وأخذوا رقمي ولحد الآن متواصلين معي ولنا فترة طويله مع بعض وأهم شئ في النصح هو إنك تنصح بأسلوب محبب ومرغوب ووجه باسم وطريقه لبقه بدون عبوس أو تجريح في شخصهم عندها الناس سيتقبلون نصيحتك بكل الحب .
عموما يا أنفاس مشكوره والله يجزاك خير وردك طلعني لموضوع آخر يحتاج صفحات لحاله .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله