مادري وش علاقه الامور اللي كاتبها بالحب!
عفوا اخوي بس شكل صديقك اللي كلمك مفهوم الحب عنده غريب شوي..
يعني الحب وش دخله بالاهتمام بالاولاد ولا بعزقة الفلوس ولا اللبس بالبيت!
معليه بس الحرمه اللي تحب تهتم بشكلها ولا تحب تقتصد وتهتم بالمصاريف ولا حريصة دراسة عيالها ابدا ابدا ما يدل انها تحب زوجها!! كل حرمة لها اطباع.. وطريقة تعامل الزوج معاها ممكن تزيد او تقلل اطباعها وممكن تخلق فيها اطباع جديده..
انا احب زوجي جدااا لكن بالبيت دايم البس بجامه وماعمري تصلحت او حطيت مكياج بالبيت ابدا مالي مزاج مع اني لو بروح عزيمة تضبطت ولبست! يجوز اني مقصره في حقه انا ما اقول اني كامله انا بس اقول انه ماله علاقه بالحب ابدا هي في الاول والاخير طبيعه او عاده..
بس اكثر شي ضحكني سالفة صرف الفلوس الحين اذا هي تصرف كل فلوسه عشان خايفه يتزوج عليها هذا ما يدل انها تحبه!! بغض النظر التصرف صح ولا غلط بس هالتفسير يدل على حب..
اخي انتم مخربطين بين مواصفات الزوجه المثاليه وبين حب الزوجة.. الحب بالقلب وكل انسان له طريقه مختلفه للتعبير عن حبه بغض النظر عن تصرفاته وعاداته السيئه والجيده..
__________________
التعديل الأخير تم بواسطة البحلة بالنفس ; 08-05-2011 الساعة 10:22 AM