بالعكس مااشوووفك بالغتي ابداً .. وهو الله يهديه مابرر لك اتصالها وحاول يصرفك وينكر انها هي فمالومك زرع الشك فيك

غلطتي بالعقاب .. مايصير تقطعين رزقهم حتى لو قلتي ماراح يضرهم هذا حقهم من ابوهم

شي ثاني .. تنازلك عن السكن فتح له باب يخرج متى مايبي ويرجع متى مايبي كنه فندق مثل ماقلتي وهالشي حسيته كنه زواج مسيار ! ليتك تراجعين نقطة السكن ماتزوج الا وهو قادر فالاولى انه يستأجر لك

اتصالك عليه بس تسكييت للوالده وامام الناس هو اللي مخلي المشاكل متواصله لانك مو مقتنعه اساسا ومانتهى احساسك بالقهر منه فيرجع وانتي مو براضيه فماتشوفين ايجابيات تنتظرين اي غلطه حتى تعصبين او تزعلين "منه
فانصحك مثل ماسويتي هالمره حلوو انه تخلينه يغيب مثل مايبي اهم شي مايرجع الا وانتي مقتنعه وراضيه عنه وتجلسين معه وتناقشين كل شي

كونك موظفه هالشي يحتم عليك المشاركه او كذا الرجال تعودوو بس مو كل شي .. لازم لك نفقه مثل مااهله واجب عليه يصرف عليهم ومايقصر انتي برضو زوجته وملزوووم فيك .. وفلوسك خليها للزمن

علاقة ابنااءه فيه ماعليك منهم بروه عقووه شي بينهم وبين ربهم .. وزوجك مو غافل عن هالشي اكيد
فلاتلعبين دور الناصح بينهم جربتي مره وشفتي النتائج .. اذا فعلا مقهوره من تصرفاتهم توجهي لربك وادعي ومالك الا الاجر ان شاء الله

اعذريني ع تلخبط افكاري بس اتمنى اكون وصلت نظرتي باغلاطك اللي واضح انك عارفتها بس تبين حد يأيدك فيها وياخذ بيدك عشان تحطين النقاط ع الحروووف

اسأل الله ان يسخركم لبعضضضض .. ونصيييحه نصيييحه لاتتنازلين عن حقوقك ابد ولاتذلين حالك وانتي مقتنعه انك ماغلطتي هالشي بيعود عليك بشكل سلللللبي بنفسيتك + تصرفاة زوجك معاك

شي ثاني غيري اسلوبك وقت الزعل لاني حاسه فييك وعمر العصبيه ماجابت الا الامراض والرجال ماينفع فيه كذا "لعبي فيه وسايسيه وعطيه جوّه يصير لك اللي تبين" شغلي مخك ومايخفى عليييك اكيد كيد لنساء وبتحصلين كل اللي تبينه بإذن الله

موووفقه خير