اخطاءك فادحه سواء من تنازلاتك المتتاليه في السكن ثم النفقه الى الهجر
وشكلوه زوجك كان عنده فكر معين تجاه النساء من هم في ظروفك وهذي سائده كثير بين الرجال ويتناقلونها
فيما بينهم وانتي اكدتيها له والفكره هي ان هناك نساء بوظيفه وعندها بيت واولاد وتبا تزوج رجل فقط لايصرف ولا يسكن
ولا ولا ولا بس يجي فالليل ويروح الصباح
حبيبتي عيدي ترتيبات اوراقك معاه علميه الي له والي عليه وانتي منتي ملزمه بشي الرجل ينفق على زوجته حتى لو كانت غنيه
وبعدين اذا خرج لاتدقين عليه نهائي خليه يحس انك منتي ميته عليه ترى الرجال مايحبون المرءاه
الي تجري وراهم حتى لو كانت جميله وجذابه يحسون فيها عيب ورا تصرفها هذا يعميهم عن كل جميل فيها
وينشغلون فالبحث عنه ويؤولونه بمفهومهم
قوي قلبك وخلك واثقه من نفسك تبا تجي مكانك فالقلب والعين ماتبا منتا اول ولا اخر ماخلق ربي
وبعدين نقطه مهمه لما يخرج وين يروح اصلا
لازم تعرفين وين يروح عشان يكون لك حق تزعلين اذا دقت عليه طليقته اما يروح على كيفه ويبات برى البيت
وبعدين تزعلين على اتصالها امكن تكون زوجته وانتي ياغافل لك الله
التعديل الأخير تم بواسطة مجموعة حروف ; 08-05-2011 الساعة 11:08 PM