أختي أول شي الله يحفضلك بيتك من الرجال هذا
ثاني شي بداية علاقتك به كانت غلط و اللي يصير لك الحين إعتبريه عقاب لكم
لا هو اتمتع بزواجه ولا عاش براحة البال
ولا إنتي قادره ترتاح بحياتك و تتمتعي بزواجك
و بعدين الرجال هذا ما عنده شغل ما عنده أشغال ثانية غير إنه يلاحقك كل يوم؟
معقوله فاضي للدرجه هذه، هذه ماهي تصرفات شخص طبيعي حتى لو كان عاشق
أعوذ بالله منه، لا تسكتي عنه، بلغي أحد من اخوانك أو حتى الهيئه و مو شرط ولي أمر
يعني إنتي لك 3 سنوات بالشكل هذا؟؟
كان مفروض فهمتي إنه الأشكال هذه ما ينفع معاهم غير رجال مثلهم يأدبهم
لا تردي عليه أبداً أبداً أبداً، لو ايش ما قال و هدد
ما خفتي إنه يكلم زوجك و يوريه رسايلك له؟
لأنه شخص مثل هذا مجنون وبايع كل شي و ينخاف منه
ما همه أحد و ما يستحي يسأل عنك في مكان شغلك و يتصل على أهلك؟؟؟؟
ما هو خايف على سمعته ولا خايف على سمعت زوجته و ما راعى الله فيها
و إللي يقولوا قولي لزوجك،، إذا قالت لزوجها حياتها راح تنتهي
يا بالطلاق وفضايح أو بالشك و أسوأ
فنصيحتي لك
1- لا تردي عليه لو ايش ما صار
2- بلغي الهيئه أو امثالها
3- بلغي أحد عاقل من الرجال من أهلك، واحد حكيم و ثقه مش متهور
4- غيري أرقامك و لا تردي على أي رقم غريب
5- ارجعي و كلمي زوجك على نقلك عنده و شددي عليه
الله يحميك منه و يهديكي و يهدينا أجمعين