اخوي ... امير الخرف
تقول ..
يعتقدون ان الرجل اذا تزوج الثانية او الثالثة انه يكره زوجته الاولى بالعكس من شدة المحبة
وكذلك يحاااول ان ترتاح في حياتها .. من الهم والتعب .. ..وهذا الايثار بعينه
الايــثار ,, على مفهومك .. هو العكس ؟
الايثار انك تتحملها مثل ماتحملتك وتصبر عليها وعلى عجزها وعلى اهمالها وعلى عيوبها ..
وتترك رغبتك بالزوجه الثانيه والسفر والوناسه .. من اجل سعاده الزوجه الاولى
هذا هو الحب .. انك تصبر عليها وماتفكر بيوم تجرحها او تتخلى عنها ..
الايثـــــار .. انك تترك ملذات الدنيـــــا عشانها .. وعشان فرحتها
بس الظاهر انت قصدك ..
اذا الزوجة الاولى سمحت لزوجها يتزوج ..فهذا دلــيل منها على محبــتها الشديده له ..
وان الزوجه الاولى .. هي اللي آثرت وتركت سعادتها من اجل سعادتك.. وزواجك من الاخرى
واهمالك لها واطفالها .. ومغادرتك لبيت الزوجه الثانيه والتمتع والسفر .. وغيره ..
بس الظاهر .. مفهومك غلـــــط
والله ان اسلوووبك يرفع الضغط ودي اخذك واعضك وانتف لحمك .....
بصراحه ردودك علينا .. كأنك مراهق .. ولا رجل مخرف ..
حنا قلنا لك من الاول تزوج تزوج بس لاتخلي زوجتك شماعه لاخطائك ..
ولا تقول سويت هالشي عشان اريحها ولا عشان اتوجها كملكه .. ولا باقي الاعذار..
لان هذا هديه لك انت .. مو هديه لزوجتك ..
ذكرتني بابوي .. يقول لامي انتي خلاص صرتي خربانه ابي فاكهه جديده اتمتع فيها
والله انها انصرعت تبكي وتضرب وتتقلب قدامنا يابعد عمرررري وهي مصليه وتخاف ربها .. وهو مايخاف الله ويكره كثرة صلاتها وقرائتها القرآن بس هي رغم ذلك تعطيه حقه وتكشخ له وتلبس له .. وياما ناقشناه
وهو مثلك يجيب ادله ويخليه بصالحه لحد ماتزوج المغربيه ونسانا سنتين ..وامي ليومك تبكي وجاتها امراض ونزيف بالحلق والانف .. وماهي راضيه تفحص تخاف مرض خطير وتقول اكيد ابوكم بيتشمت فيني ..
وكل ماقرأت قرآن ولا صلت تبكي وتبكي ..
حسبي الله ونعم الوكيل بس .......
كل همكم شهواتكم .. ومايكفيكم .. لازم تحطون اللوم والغلط عالاولى
ولازم تمثلون دور المســكين اللي ماهو متهني بحياته وان زوجته مقصره معه وهو متحملها
ويعتبر ان زواجـــــــه عليهااااااااااااا... حب شديد لها .. وايـــثاااااااااااار
وهالحب الشديد اللي تقول عنه يروح مجرد ماتتزوج .. ويميل قلبك للثانيه....
انا اقترح نسكر الموضوع لانه يرفع الضغط ..
وانت اخوي رح تزوج والله يوفقك ..
واتمنى انك ماتقول ( احب زوجتي الاولى _ اهديها _ راحه لها -_ايثار لها )
لاتجيب طاري الاولى على لسانك انت بطريق والحب والايثار والتنازل بطريق ثاني..