طيب اشكرك انك ما اهملت ردي او مشكلتي .. بس يكون بعلمك انا ادري وش خلف الكواليس..
واخوي بنفسه سافر لابوي من كم يوم .. وشاف الويل والضيم .. زوجته المغربيه لا تنظيف ولا طبخ ولاشاي ومخليه ابوي اللي كلن يخاف منه .. صاير جرو ضايع يترجاها تسوي له الشاي يقول ممكن لو سمحتي وهي الاخت اما تتأفف او تسوي على مضض .. وابوي اللي صاير شغاله لها ... رغم انها مافيها من الجمال ولا البياض شي حتى الجسم استغفر الله بس..
وطول وقتها عالنت وهلها داخلين طالعين .. ومعذبينه بحياته وهو ساكت .. مايبغى احد يتشمت فيه
لانه تخلى عنــــــا كلنا عشانها .. ولعلمك هو ماعدد بالساهل .. برد قلبه بالحريم اشكال والوان وانواع الحرام وكم مره تصيده امي وتسكت .. وتتحمل .. وتعطيه فلوس وتعاونه وهو مايبين بعينه .. مابي ادخل بالتفاصيل .. لكن ابي اعلق على كلامك اللي كل شوي تعيد وتزيد فيه ..
انت قلت ..للاخت امل
نتكلم هنا بلغة العقل أخت / أمل
ووبعدين هل تتوقعي زوج يضيع شبابه ومستقبله ع اساس امور ثانوية بالحياة !!!! ما اتوقع
وبالنسبة لمن تووافق والله العظيم اعرف ناااس كثير متزوجين حتى اعمارهم خمسين تزوجو
بنات بعمر 18 .. ورجعووهم شباب
وقلت ..
تسلم والله أخي هذه بعض الفوائد الظاهره وهناك فوائد اخرى لم نتطرق اليها من وحي الواقع ومن التعايش
مع المعددين لو طرحتها هنا اتوقع 99 % من الرجال سوف يعددون ونقضى على العنوسة المتفشية
علاوة على تكثير الساجدين في الارض والحمد لله ..
يعني تقول انه الغرض من زواجك انك تقضي على العنوسة المتفشية
علاوة على تكثير الساجدين في الارض والحمد لله ..
كيف تقضي عالعنوسه وانت ناوي تتزوج ام 18 ولا ام 20 ؟؟؟ !!!!!
المفروض تتزوج وحده عانـــــس عمرها بين 38 وفوق ...او تتزوج امرأه بسن ماحد يبي يتزوجها بعمر 40
وكيف بتكثر عدد الساجدين وانت ناوي تجيب 2 بس .. ؟؟ عشان تطول وتحافظ على رشاقتها اطول فتره ممكنه
احس كلامك متناقض ..وتقول ..
أخي / هشااام
اشكرك على حضووورك وتقديرك لزوجتك الاولى ..
ولكن أخي لايعني اني احب زوجتي الاولى لا اتزوج عليها ..
ولكن من شدة محبتي لها لابد لها من استراحة محارب
ولكن ان تكون كل سنة تخلف .. وشغل بيت .. واستعداد للزوج
والضيوف واولاد ووووو تبعات كثيرة والله لو طرزان مستحيل يقوم
بكل هذه الاعمال فمن باب الاحسان لابد لها من راحة ..
كم مره اقول لك .. لاتعلق زواجك بزوجتك الاولى؟
يعني لازم تمن ؟ لازم تقول انا لاني بتزوج رح يعم الخير وبهالطريقه انا اسعد زوجتي الاولى واريحها ومدري وش
اي واحد عاقل فاهم .. بالغ .. يعرف ان كلامك مجرد مبررات وكله خطأ بخطأ
اي زوجه بالدنيا زوجها يتزوج عليها راح تزيد همومها
وبكل الحالات انت بتنام معها ومع الثانيه يعني هي بتحمل بتحمل وتخلف بكل الحالات ..ولا انت ناوي ماتنام معها خير شر؟
وكيف راح تريحها من الشغل والتعب بزواجك ؟ يعني زوجتك الثانيه بتصير شغاله وحضانه ؟
رح تشتغل بدالها وتكنس وتنظف وتطبخ وتربي عيال الاولى بدالها ..؟؟؟
وكيف تقول الخير رح يعم ؟ قصدك زواجك بيفيد عيالك وزوجتك ؟ بايش راح تفيدهم ؟ انك تحرمهم من وجهك يوم ايه ويوم لا؟
ولا رح ياخذون اجازه من الابوه ؟
رجاااااء رد على كل كلامي وكل اسئلتي ولا تتجاهلها .. ورجاء لاتتهرب ..