انا عملت مقلب في اختي ايام ماكانت مملكه وان شاء الله المقلب يعجبكم
انا بصراحه فكرت اني اهديها هديه قبل ماتتزوج وتروح لبيت زوجها
فكرت اهديها ساعه ماركه سواتش من اختياري
لكن خفت انه اختياري مايناسبها ولا يعجبها عاااد تعرفو ذوق البنات غير
ففكرت في حيله اني اشتري الساعه اللي يعجبها هي ومن اختيارها هي
فاخترت يوم الدبش واخذتها هي واخوي الصغير بحجة اصلاح الساعه
ودخلنا سواتش سالنا عن اصلاح ساعه اخوي الصغير ماحصلنا
ثم اتجهت للقسم النسائي من الساعات وسالتها عن رايها لو حبيت اني اخطب (وانا ماعندي هرجه )
فايش الساعه المناسبه كهديه
فاشرت لي على موديل وقالت هذه شيك وتصلح كهديه ولبستها وسالتها عن رايها في اشكال اخرى ارخص قالت لي انها ماهي حلوة
وهذيك اشيكها وقالت لي انها نفسها فيها ( عااااد تعرفون شعور الانسان لمن تاخذ رايه في هديه لواحد ويجربها وهو نفسه فيها ومو قادر شعور غييره ممكن شعور تمني بامتلاكها وووووو ) كسرت خاطري المسكينه !!!!
المهم انا صرفتهم من المحل عشان يدورو للمحلات الثانيه يدور اصلاح ساعه اخوي
واستغليت الفرصه وشريت الساعه بسرعه ورحت على السياره بسرعه عشان اخبي الهديه
وغبت عنهم فتره ودقت علي تنظرني ومستغربه غيابي عنهم
رجعنا البيت خليتها لمن تستريح وتجلس واستغليت فرصه جلوسها لوحدها
ومن ثم نزلت للسياره وطلعت الهديه ودخلت عليها وقلت لها الف مبروووووووك
ياللله لكم ماتتخيلو المسكيننننه وتعابير وجهها انفجعت وفرحت وما عرفت تتكلم كلمه مو مصدقه ولا على بالها ابدااااا اني اجيب لها هديه اطلاقا
فرحت انه الساعه اللي نفسها فيه وفرحت من عنصر المفاجاة واني جبت لها هديه
وراحت توري اخوي الصغير وتحكي اختها الثانيه باللي صار والافلام اللي سويتها معاها
سبحان الله عنصر المفاجاة كان لها وقع كبير في قلبها بخلاف انه لو اخدتها للسوق وسالتها تختار الهديه
الله يسعدها ويهنيها مع زوجها