سؤالي .. :: ماهو افضل سن للزوج عندما يفكر بالزوجة الثانية ..؟
ليس هناك سن معين تعتمد على الحاجه الملحه للشخص مع الاخذ في الاعتبار القدره الماليه والجسميه والنفسيه و,,,,
وما هو افضل سن للزوجة الجديدة التي سوف تكمل مشوار الحياة معاه ...
بما انك همك تكثير الساجدين في المساجد وماشاء الله ضامن انك بتسير عجلة حياتكم مثل ماتبي بدون مشاكل لانك واثق من نفسك انك بتقدر تتخطى العقبات من نفسيات الزوجات وغيرها بحكم خبرتك مع الزوجه الاولى ,,و,,, وهمك تقليل العنوسه,,, يعني همك ديني بحت والواضح حبك إيثار فالأولى تاخذ من الاخوات المتأخرات في الزواج يعني اللي اعمارهم 28 وفوق علشان يكون هناك تقارب بالعمر والفكروتكون اكثر نضج وتحمل للمسؤوليه واكيد حاسه بنعمة الزواج بهالعمر فتكون احرص على بيتها من بنت العشرين اللي اكثر مايهمها المظاهر وصحباتهاوغيره وماتكون عندها خبره كفايه و,,,وبكذا تكون قللت العنوسه وكسبت اجر وربي بيعطيك على قد نيتك لا تخاف 
بس بخاطري كلام اقوله لكل معدد ولكل شخص يفكر بنفس فكرك...الحياه مو بس غرفة نوم ومتعه وابغى اخذ حرمتين ولا ثلاث علشان يزيد مبدا المنافسه بين الزوجات ويزيد الدلع للزوج لان كل وحده بتجذب زوجها اكثر وتدلعه وتشوف طلباته وكله على حساب الاطفال..من تجربه كثير من اللي اعرفهم معددين ومن وحده جربت العيشه في بيت معدد يارجال اتقوا الله في الاطفال مثل مالزوجاتكم حق ومثل ماتشوفون ان لكم حق اطفالكم لهم حق وكل ماكبروا بالعمر لازم تكونون قريبين منهم خاصة البنات لازم تجلسون معاهم تحاورونهم تناقشونهم تشوفون كيف يفكرون وش الافكار اللي عندهم علشان لو كان فيه شي غلط تحاولون تعدلونه وتصححونه تنمون الثقه بنفسهم وتعززون مبدا الحوار علشان لما يتزوجون يكونون قد مسؤولية الزواج ويعرفون ان الحوار الاسري الراقي من اهم عوامل نجاح الزواج لكن لو الاب مشغول في بيوته والام همها ان زوجها ينجذب لها اكثر وتحاول تسوي حركات هنا وهنا وين بيحصلون الوقت علشان يجلسون ويتكلمون مع ابوهم ويشوف طلباتهم وهمومهم ومشاكلهم حتى لو فرضنا الام عندها كم يوم فاضي بحكم غياب الاب عند زوجته الثانيه او الثالثه يد وحده ماتصفق لازم يكون الاب له دور في حياتهم موبس يوفرلهم الفلوس