الله يستر علينا وعليها يارب

نصيحه مني وعن تجربه


دايم الي اقل من 15 سنه لك عليهم وعلى فهمهم

شوفي مثال صار معانا والله على مااقول شهيد

اختي الي عمرها 10 سنوات راحت عند بنت عمي الي اكبر منها 4 سنوات
وقالت اختي ام 10 سنوات الله يسامحها عن وحده من خواتي انها تحب ولد جارنا وانها تقابله ويروحو مع بعض ويكلمو بعض
ويجي عندنا البيت وكلام كبير بحق اختي المسكينه

ماادري ليش قالت كل هذا الكلام الكذبي

المهم بعد فتره يمكن بعد 3 سنين جت وحده من عماتي تنصحنا وتقول الي بينكم لايطلع لبرا
المهم حنا سحبنا عمتي بالكلام ومصدومين من كلامها خير ايش في ايش صآر !؟

قالت عمتي : اختكم فلانه قالت لبنت عمك فلانه انو اختك علانه تسوي كذا وكذا وكذا
كيف الكلام وصلها اقولك
عمتي هآذي عزمت اخوها الي هو عمي وعياله ومنهم بنت عمي الي اختي كبرت القصه لها واجتمعو وجوو اهل زوج عمتي وعندهم بنات كبار وصغار وبنت عمي اجتمعت معاهم وقالت كل شي

وتقول عمتي اجتمعو عندي اهل زوجي وقالو صحيح بنت اخوك سوت كذا وكذا معقول يعني ماشاء الله بنات اخوك محترمات
تقول عمتي بغيت الأرض تبلعني ولااحد يجيب سيرتكم قدامي

عاد كلنا هوجنا على اختي الصغيره ترى صار عمرها بعد ماعرفنا بالسالفه 13 مدري 14 وقالت والله ماادري وماكان قصدي

صحيح اختي كانت تكلم ولد جيراننا بس مو كل يوم
و كانت اخته صحبة اختي وبعد ماتخلص مكالمتها مع اختي تخليها تكلم اخوها
يعني لعب عيال وسن مراهقه حتى والدي كان ملاحظ وكان يدق ولد جيراننا بالكلام لدرجة انو ولد جارنا قال ابغى بنتك ياعم وابوي ضحك منه قال اكبر وانا ازوجك اياه بس ماكان يدري انو اختي تكلمه

واختي الصغيره السوسه سوت لنا فضيحه وتخيلت اشياء من عقلها
لدرجة انو بنات اهل زوج عمتي مايجلسو معانا الي الآن على بالهم انو حنا صايعات


يعني نصيحه مني خذي هالبنت الي نقلت اسرار بيتها لكم هي واختها ام 19 مدري 12 سنه
وقولي لهم كل شي

لاتدخلو امهم وابوهم بالسالفه علشان ماتكبر

كلنا نغلط وبالنهاية نعقل ياليت تنصحينها + تكتمو على السالفه ولاتقولو لكل من هب ودب

ممكن تكون برئيه

ترا في اخوات ان تخاصمو تبلو على بعض