يا اختي لا تعلبة و لا غيرة و لا خرابيط ان شاء الله
انا عندي 3 بسس و كل وحده تنام معايا في مكان ما على السرير و الحمد لله ما فينا انا و زوجي شي
و لا توسوسي
حتى احيانا تاكل من نفس صحني و اكمل منه عادي و يشربو من نفس كاس الموية خصوصا في الحر و عادي اشرب بعدهم ولا اقرف و ساعات ياكلو من ايدي و يلحسوها عاااااااادي
بس ما اعمل كذا قدام الناس عشان لا يقولو كلام انا في غنى عن سماعه يموتو الناس في الفلسفة
و الثعلبة مرض نفسي و اسالي اي واحد عنده ثعلبة
الشي الوحيد اللي ممكن اصدق ان القطط تحفزه و ما تسببه و لكن لو كان في الشخص قابلية له ممكن تحفزه و هي الحساسية يعني يعطس كثيييييييييير لما يقرب من القطط او احمرار العين لان في بعض الناس عندهم قابلية لها
و بس
و خليكي مرتاحة و مافي داعي تشيلي همها فهي من اهل البيت انا اعتبرها
و بالنسبة لحبسها في البلكونة انا اشوف بصراحة ماله داعي حرام برا حرررررررررررر و طبعا يحترو من الحر و ممكن تجيها فطريات و يطيح شعرها
و افضل تبعدي عيالك عنها مو لانها ممكن تاذي الاولاد و لكن خوفا عليها لا تتعذب و انتي تاخذي ذنب تعذيبها
ابحثي في النت عن منتدى محبي الحيوانات الاليفة ourpetclub و راح تستفيدي مرة كثير
و اعطيها من طعام القطط المصنوع على شكل بسكويت قطط و احسن ماركة هي رويال كانن في محلات القطط بس اختاري اللي يناسبها لانها صغيرى
انا بساسي مرررررررررة وحشوني انا مسافرة و تاركتهم عند صاحبتي و موضوعك ذكرني فيهم
__________________
رب لا تذرني فردا و انت خير الوارثين