أخي الفاضل..
المعاصي تفرق بين الزوج وزوجته.. يعني انت قلتها.. كل الأشياء الي كنت تسويها غلط
مقاطع اباحية .. محادثات صوتيه مع بنات.. غير انك تتفرج على المسلسلات والأغاني..إلخ
كل هذه الأشياء خلتها تفقد الثقة فيك ويقل إحساسها بالأمان اتجاهك..
وردة فعلها طبيعية ترى والي تحسه شي مؤلم.. ويجرح أنوثتها ..
و ترى طبيعي بعد الي سويته تسألك كل شوية.. هذه نتيجة أفعالك السابقة معاها..

أخي الكريم..
لازم تحسسها بحبك واحترامك لها.. وترجع تقوي العلاقة الي بينكم
دلعها وداعبها عشان تاخد حقك الشرعي منها..
شوف حالتها أول يمكن تعبانه من أعمال البيت ومع البنوته الله يحميها..
المعاملة بالمثل ماحتفيدك بشي.. حتزيد المشكلة..
يعني توصل انك تحطلها برنامج تسجيل..
يمكن تكلم صحباتها وتفضفضلهم وماتبغاك تشوف كل شي..
أجلس معاها جلسة مصااااارحة..
وكل واحد يطلع الي في قلبه وتبدأو صفحة جديدة
واتفقوا على طريقة تعاملكم مع بعض كيف حتكون..

الله يجمعكم على خير إن شاء الله..