مشكورة أختي الفاضلة على الرد.
وأتمنى الأخوة الأعضاء يتفاعلون ويساعدوني.

بخصوص بنت أخوي لما قالت لأبوها ضحك وأمها عصبت عليها.
زوجة أخوي ماعندها نت وأن النت عندي بطيء
وصدقيني أساعدها على قد ما أنا أقدر.
يعني مرة زرتهم فجأة بنت أخوي مريضة .
وبصراحة مدخل البيت مساحتها مترين وشوي عرض وطول ومن يوم العاصفة الترابية مانظفته تنطر أخوي يجيب لها هندي.
هميت إني أنظفه علشان تفهم هي وتستحي لكن قلت إللي فيني يكفيني صحتي ماتساعد وهي أصلا مارح تفهم.
صدقيني ماتبغي تتغير.
يعني فهميني لما أقول لها تعلمي شلون ترسمي عيونك بالكحل في وقت فراغك تقول عيالي مايخلوني طيب في وقت اللعب بلاي ستيشن ليش ماتغتنمه فرصة وتتعلم حاجة مفيدة؟؟؟
يعني بعطيكي مثل تحب تحط روج غامق ومطفي مع إن الدارج الفواتح والقلوس قلتلها بس إلي في راسها عنيد.نصحتها أمي يابنتي هذا اللون مخرب شكلك وأختها بعد نصحتها ولكنها ماتسمعهم.
امي تقول لها يابنتي لما تزورين الناس فصخي الشيلة وسرحي شعرك لا هي تظل بالشيلة والعباية وكأنها أرملة بعيد الشر عن أخوي.يمكن لأن ماعندها ثقة بنفسها بين الحريم.
وبعد عندها مشكلة ماتنسق ألوان ملابسها يمكن تلبس لونين مايصلحون لبعض لكن ماداموا عجبوها اثنينهم خلص .
خجولة صح لكن أنا بعد خجولة ولكن أهتم بنفسي.
أنا إللي بيدي سويته حتى لما أدعي أدعي لها .
الجمال مش جميلة ونحيلة حيييييييييييل لدرجة يظنه الواحد مريضة وأنا أعرف هذا إللي مخليها ماتهتم بحالها كثير.
لكن أنا حاسة لوتهتم وتتغير للأحسن أخوي رح يشيل فكرة الزواج الثاني لأنه قنوع.
والله يهديها في العلاقة الخاصة لازم مزاجها.
أخوي يقعد يطلبها وهي ترفض.يعني بالشهر مرة وحدة.وهو
شاب ماعدى 36الله يحفظه وتعرفون متدين يعني مايفكر بالحرام.والفتن قدامه يمين وشمال وهو يغض البصر.
أنا أعرف طليقي كان يبكي لما طلقني ونفسه يرجعني مع إن زوجته قمر على كلام أمي.إللي عنده زوجة مثلها وش يبغي منك. ولما كنت متزوجة ضربني بحديدة علشان ينام معي وأنا ماكنت أبغي خايفة مابغي أحمل لأني أبغي أتطلق وزوجة أبوه تنق خلصتوا الماي .
وأخوي بسلامته صابر عليها.
يقول لها قومي أسويلك تحليل شامل لأنها نحيفة وتحب تنام.ترفض وتتفلسف.
قلت له خللك شديد قال رح تبكي.
وقلت له ودها عند شيخ قال ماتبغي.
وقلت له مادام هي ملتزمة بالصلاة وقراءة القرآن وش تحس لما تكثر من قراءة القرآن قال ماتعلمني.
والله العظيم وظيفة أخي زينة وإلي يشوفها ويشوف عيالها يقول إن أخوي بخيل ومحشش.
وأما أخوي الأصغر منه معاشه على قد حاله مايكفيه لآخر الشهر وزوجة كأنها زوجة مدير شركة وبسم الله عيالها بصحتهم.وتهتم بأكلهم وترقيهم إن شافت الواحد فيه وجع.لحاد مايتعافا.
أما هذي الله يهديها.بنتها الضغيرة تحتاج رقية لأنها بسم الله حلوة حييل.وماعندها وقت علشان البي إس بي تلعب فيه.

أنا قلت لأمي يصبر لييييييييييين أبوي يخلص بناء البيت وننقل كلنا.ينصحها وإن عجز يهددها بإنه رح يتزوج إن ماعدلت نفسها .وطبعا هذا كله في سنة .
لكن إن هددها رح تبكي وتزعل وتركب الغلط على أخوي!!!!
الله يكون في عونه.

وشرايكم.