الله يجزاكم ألف خير.

أخي الفاضل ياليل حزني كبر..
بعيد الشر عنهم إن شاء الله مايوصل الأمر إلى الطلاق.
وأنا ما أحب أحشر نفسي لأني جربت المشاكل من خوات زوجي لما كنت متزوجة.
اختاي الفاضلتان قلبي حنون وأصعب حكاية..
بخصوص الشغالة هي ماتبغي ياما قلت لها بس هي ترفض. ماتبغي غريب يدخل بينهم.
وأما التسوق أخوي مايقصر يوديها ويشتري لها بس الناس أذواق.
وأما أنا اشتريت لها زمان مجموعة روجات قلوس بس ماشفتها سوتهم في المناسبات أو إن زارونا ضيوف.
وأخوي بطبعه مايعاير زوجته بس أنا خمنت إنها ماتحب تغير علشان هي نحيفة.
وأما أخوي حاول معها حتى الفيتامينات رفضت وركبت راسها إنها ماتشربها.
حتى وهي حامل الفيتامينات وحمض الفوليك ترفض تاخذهم وتعاند أخوي.
يا أخواني زوجة أخوي ماتبغي تتغير وأخوي موبشديد مع المرأة بطبعه عرفتم.
وأنا أبغي الحل للطرفين.
أبيها تتغير وأبغي أخوي يفكر صح ويحسب الأمور .
وأكرر هو يتجنب الشدة معها لأنها تقعد تبكي وتزعل بالأيام.
نصحها مرة وسمعت نصيحته يوم أو يومين ورجعت لعادتها القديمة.
وبطبعه هو ماشاء الله عليه مايحب يزعق ولايضرب ولاحتى يشتم.
المررأة عنده كائن حساس.
بس عاد تعرفون الرجال عنده رغبات مكبوتة وهي بسلامتها تتمنع وبالشهر مرة إن رضت لها!!!
وبعدين أنا كتبت لو هي تغير نفسها للأحسن مارح يفكر يتزوج.