قلبي حنون أقسم بالله يا أختي إني كتبت لك رد طويل ومدعم ببعض القصص الواقعيه عن موضوعك ومدري وين طار شكلك مالك فيه نصيب أنا كتبته بعد مشاركتي الأولى مباشره
ودعيت لك فيه وبصراحه أنا من المعجبات بمواضيعك الحلوه إللي تفتح النفس ودائما أحب أقرأ مشاركاتك وردودك وأحبها ويشهد الله إني دعيت لك من قلبي لأنك وبلا مجاملة تستحقين وتستاهلين على هالمواضيع الزينة وترى وأنا أختك حقيقه وفعلا هناك أزواج مايقدرون نفسيات الحريم أثناء
مرورهم بهاذي الظروف إللي تحتاج فيها المرأة للكلمة الحلوه إللي تطيب الخاطر والمسة الحنونة والحانية من يدين زوجها حتى تحس إن معاها أحد يحس فيها وبللي تعاني منه
والحمدالله والله إن زوجي مايقصر من هاذي الناحية أبد
أنا جايبه 5 عيال والله كلهم إني قضيت فترة الولادة في بيتي ولاعمري سافرت لأهلي علشان ولادتي أو فترة الأربعين الحمدالله يوديني المستشفى ولاده و يتصل على مقر عمله يرفعون له إجازة لمدة شهر وياخذ إجازته ويقضيها معانا في البيت ومريحني على الآخر
الله يريح عليه ولا عمره كلف عليه بشئ لابشغل في البيت ولا شغل خاص أصلا لو شافني تعبانه تتعقد حتى نفسيته ويجلس مشغول فيه ماعاد يفكر بشئ حتى تتحسن حالتي
ويشوفني تعافيت وهاذا طبعه من أول ماتزوجته حتى يوم تزوجنا جلسنا حول أسبو ع وهو خايف عليه لأنه يقول سمع إن إللي يدخل على زوجته يمكن بعد الدخله يصير معاها نزيف وماعاد يتوقف و يمكن تموت زوجته فالرجل خاف شوي والحمدالله ربنا يسرها وتزوجنا
وعدت الأمور على خير وأهم شئ إن الرجل يكون عنده ثقافه عن مثل هاذي الأمور ويكون مقدر لحال زوجته في مثل هاذي الظروف مو معناته أنا ماشفت أمي أو أخواتي يمرضن و يتعبن وقت دوراتهم الشهرية وش معنى أنتي يازوجتي غير عنهن وطبعا ينسى إن لكل جسم تركيبته الخاصه فيه حتى وإن تشابهن النساء في الحيض يعني كل النساء تحيض وتولد بس كل إمرأة لها نفسية تختلف عن الأخرى وتركيبة جسمها تختلف عن الأخرى فلازم إن الزو ج يراعي حالة زوجته النفسية والجسدية ولا يحملها بشئ لاتطيقه وفي النهاية لابد من الرحمة والمودة بين الأزواج والحرمه تحتاج حنان وعطف زوجها وإهتمامه فيها وقت تعبها ومرضها فإهتمامه فيها يعطيها دفعة معنوية كبيره لشفائها ويريحها نفسيا ويخفف عنها إحساسها بالألم الجسدي والنفسي وش تبغى الزوجة غير وقفت شريك حياتها إلى جانبها في وقت تعبها ومرضها والله إنه لو وقف معاها وأخذ بيدها إنها تتشافى بسرعه وتتحسن حالتها وبصراحة تسلم الأنامل إللي تضغط الكيبورد وتسلم راعيتها وأسأل الله بأن يوفقك و يسعدك ويبارك فيك ويخلي لك زوجك وعيالك ومن تحبين وأسأل الله بأن يكتب لك الأجر والثواب في ماتقدمين وماتكتبين من مواضيع هادفه ونافعه لإخوانك وأخواتك الأعضاء وبمثل مواضيعك تبنى البيوت وتنجح الحياة الزوجية فإستمري أرجوك بلا توقف فقلمك قلم ناجح وأتمنى لك مزيدا من النجاح و الإبداع
في هاذا المنتدى الرائع والجميل و يشهد الله بأني أحبك فيه وأعتبرك أختا لي بارك الله فيك ورزقك من حيث لاتحتسبين
اللهم آمين .

تقبلي تحيتي أختك في الله
أم سلطان

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله