حبيبتي حطي ببالك اني من النوع اللي يغلب عليه الحياء في كل شيء في اللبس وفي دخول المجلس ومقابلة الحريم ارتبك واخجل انا اعرف فيه بنات ما شاء الله عليهم جريئات وتشوفينها تتكلم مع هذي وهذيك وتعرف بنفسها على قولتك وترقص في كل زواج تلقينها مسويه زحمه على الكوشه كأن كل من تزوج بالسعوديه اخوها والا اختها
انا ما احب كذا ولاهو اسلوبي لفت النظر انا وحده احب اكون واضحه في كل شيء ما اجامل ولا اظهر شخصيه غير شخصيتي الحقيقيه ويمكن اكبر دليل على وضوحي اني تجرأت بعد تفكير طويل له سنه تقريبا يدور ببالي الموضوع ولا قررت ولا تجرأت الا هالايام وفاتحت الوالده فقط
وصدقيني لو عرفتي الموضوع بتفاصيله ما راح تلوميني انا جربت شيء اسمه خطوبه وجلست مخطوبه لمدة اكثر من خمس سنين بس حسيت ان الرجال مو كفو وان الزواج ماراح ينجح انسحبت من الموضوع والحين في نظرة اللي يعرفوني هذا ان كان عندهم ولد في سن زواج نظرتهم وش بتكون كنت مخطوبه ومن الكلام هذا يعني راح تقل فرصي في الزواج اكيد بدون شك خصوصا ان عمري كبر نوعا ما ...
هذي من الاسباب اللي تخليني اسعى واحرص على الموضوع
والحين لقيت انسان ما راح القى مثله الا بارادة الله ارادته سبحانه فوق كل شي طبعا فرضا امه وخواته عندهم خبر بخطوبتي اللي من فتره وما عرفوا اني فسخت الخطوبه راح ابقى كذا معلقه ؟
انا كل اللي ابغاه اني ارسى على بر يا اما يكون هو نصيبي او اشيله من تفكيري

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )