بسم الله الرحمن الرحيم
السلام عليكم ورحمة الل وبركاته
والله انا ماني عارف كيف ابدا موضوعي وماني عارفه اذا اني وضعت موضوعي في المكان الصحيح ولا لا
انا ادرس طب و متزوجة من 7 شهور استخدمت حبوب منع الحمل في اول 6 شهور لا تعاتبوني على استخدامها لاني استشرت طبيبات كثير وعملت فحوصات قبل لا استخدمها وكان كل شي في السليم في الشهر السابع بطلت اخدها لاني الدكتورة قالتلي انو ما تاخديها اكتر من سنة وانا فضلت ما اخدها اكتر من نص سنة فاستخدمت طريقة العزل وهذا اللي انا جدا خايفة منو يعني في نفس كثير يقولوا انو المذي ينقل الحيونات المنويه (من ناحية طبيه لا يوجد حيوانات منوية ولكن نفس الممر يكون في موجود حيونات منوية من جماع سابق فممكن لما يعدي المذي عشان ينظف الممر يشيل معاه هاذي الحيوانات (انا عارفة انو مو هذا الوسط اللي تعيش في الحيونات ونادر جدا انو ممكن يحدث حمل منها بس انا جدا خايفة لانو فكره حدوث الحمل عندي جدا صعبه بالنسبة ليا معنو ما تدروا قد ايش يكون نفسي عندي بيبي ...

نجي للسوال اللي نفسي تجاوبوني عليه سمعت انو وقت الاباضة ينزل افرازات مهبلية شفافة مثل بياض البيض وسمعت ايضا انها تنزل في وقت الحمل ..انا سارت معايا هاذي الافرازات فكيف اعرف اذا كانت بسبب اباضة او حمل اللي مششكني انها بسبب اباضه انو لما كنت بنت ما كنت احس بهاذي الافرازات يمكن ما كنت انتبهلها او اديه بال ماني عارفة مرة محتارة افيدوني جزاكم الله خير لاني احس اني تعبت زوجي هذا الشهر من خوفي من الحمل..وللعلم اليوم اللي نزلت معايا هاذي الافرازات الثلاثة الايام اللي قبلها حصل جماع بالعزل هل تتوقعون ممكن صار حمل؟
اعذروني على الاطاله وعدم التنسيق انا ترا اول مرة اكتب في منتدى لاني والله لا اجد الوقت بس هذا الموضوع جدا مازمني ومازم زوجي كمان لانو كل ما طلبني اتعذر بشي لدرجة كره الشي دا وادعولي الله يخليكم عندي اختبار وجالسة اذاكر فيه ...