السلام عليكم ياأم عصام ورحمة الله وبركاته
ماشاء الله تبارك الله لاحول ولاقوة إلابالله أسأل الله أن يبارك لكم أنتي وأخونا الكريم أبو عصام في ما أعطاكم ورزقكم من ذرية صالحة يارب
وألف ألف مبروك عليك الفارس القادم بإذن الله نسأل الله أن يحفظ لك أبو عصام وعصام يارب ويقر عينك بمولودك الجديد
والحين معكم عصام والجاي بإذن الله بسام وإللي عقبه حسام <<<<<<<<<<<<<<<<<< شكل أم عصام بتذبحني الحين
هههههههههههههههه
أمز ح معاك ياشيخه لاتعصبي
بس عندي إقتراح عليك أنتي والأخ أبو عصام ليش ماتسموا الأولاد على قافيه واحده والبنات على قافيه واحده بس تختلف عن الأولاد يعني كمثال الأولاد عصام وبسام والبنات شهد ورغد أو وجن ووسن أو أنفال وريتال يعني البنات قافيتهم غير عن قافية الأولاد ويارب تجيبي توأم بنات المره الجايه بعدين ترى زين إنك حملتي الحين وجبتي لعصام أخ له علشان مايحس إنه وحيد و يطفشك في البيت وما يريحك ترى بعض الأولاد إللي ماعندهم إخوان تلاقينهم إنطوائين ومايحبوا الإختلاط بالناس ودائما متعلق بأمه بالذات إذا كان ماعنده أقران من أقاربه يلعب معاهم بإستمرار ويختلط معاهم يزورونه و يزورهم وكمان يمكن إذا كان وحيد يصير له العكس يمكن يصير عدائي يضارب وعصبي وعنيد يعني على حسب نفسيته لاكن لو عنده أخ يشاركه اللعب والأفكار
حتى لو تضاربوا بعد شوي تلاقينهم سمن على عسل وكمان لو جاء الطفل الثاني نفس جنس الطفل الأول بيكون أفضل علشان يتأقلمون مع بعض وتقدر تلبسينهم أطقم الملابس مع بعض والألعاب زي بعض ومايكون هناك فيه إختلاف أنا أول بنت جبتها عقب ثلاثة أولاد لما إبتدت تكبر شفتها صارت تعاند أخوها إللي أ كبر منها تلبس ملابسه الرياضيه وجزمته وأنتم بكرامه وتاخذ كورته تلعب فيها وتقلده بشكل فضيع ألبسها ملابس بناتي تروح بنفسها خزانة الملابس حق أخوها وتلبس من فوق ملابسها
طقم أخوها الرياضي أبوها حلق لأخوها شعر راسه قامت تبكي تبغى تحلق شعرها مثل أخوها وراحت دورت على المقص وجلست تقص في شعرها حتى المقص جر ح إصبعها وجتني تصيح يدها مجروحه وماخفت من أسلوبها شوي إلا عقب ماجبت لها أخت ثانيه الحين الحمدالله أختها الصغيره طلعت تحب لبس البنات وإكسسواراتهم لاكني ما أقدر أسر ح شعر أختها قبلها ولا ألبسها قبلها دائما تقول لي أمي أنا الأول ولو سبقتها أختها في اللبس أو التسريحه بتصير سالفه وماعاد ترضى إلا بجاهه من البيت كله بعدين يطيح الحطب .
‏ أناهاذي تجربتي الشخصيه وأشوف إن الولد لوجاء بعد الولد خصوصا البكر بيكون أفضل أنا عندي ولدين الكبار ورى بعض أ كبر واحد عندي الحين عمره 14سنه والثاني
عمره 13 سنة جبتهم ورى بعض لأني أنا ما أخذت مانع بعد الولادة بطفلي الأول ظنيت إني بصير مثل أمي وأخواتي مايحملون إلا عقب سنتين وبدون مايستخدموا موانع بس يرضعون أطفالهم فقلت في نفسي أ كيد أنا مثلهم جلست أرضع إبني البكر وخلصت الأربعينيه وعقبها بشهر جلست أنتظر الدوره الشهريه رحت أسوي تحليل حمل وطلعت حامل وإبني عمره شهرين فقط ولدت بأخوه وعمره 11 شهر أقسم بالله العظيم كان باقي مايمشي صغير وجلس سنة و6شهور مايمشي كان عنده تأخر في المشي كان زوجي يقول شكله منتظر أخوه بيمشون سوى مع بعض تخيلي كيف لما نطلع نتمشي كان الناس يسألونا عيالكم توأم وفي المستشفى الأطباء والممرضات يسألونا بيبي توأم
سوى سمسم الحين كبروا الحمدالله والشكر لرب العالمين
لاحظت عليهم ميولهم واحد وطريقة تفكيرهم واحده وإللي يشوفهم وهما جالسين سوالف يقول إنهم أصحاب مو إخوان من إنسجامهم مع بعض وحتى في لبسهم ماعاد أتعب مقاسهم مقاس واحد سوى ملابس أو أحذيه أ كرمك الله والحمدالله صاروا يخدموني مايقصرون لو أبوهم مو موجود وأحتجت شئ أرسلهم يجيبونه لي من برى الله يحفظهم ويخليهم ويخلي لكل مسلم عياله يارب .

معليش أختي أم عصام أنا أطلت عليك بس حبيت أحكي لك بعض من تجاربي مع الأولاد والبنات طبعا قدمنا سالفة البنات علشان أنتي تحبين البنات وعسى ربنا يرزقك البنوته الحلوه إللي تملأ عليك البيت سعادة ووناسه يارب
وطبعا أخرنا سالفة الأولاد علشان أخونا أبو عصام يحب الأولاد ولا نبغاه يزعل على أولاده الله يحفظهم له لاكن أنا أتوقع إن لوجبتي بنت بعد الأولاد صدقيني إن أبو عصام ماعاد يشوف الأولاد شئ عند البنت لأن البنت محبتها تختلف عند أبوها إسئل مجرب ولاتسأل طبيب .
وأخيرا عقب هالقرقة أستودعك الله أختي الغاليه أم عصام أنتي وما في بطنك الذي لاتضيع ودائعه وأسأل الله بأن يرزقك الطفل السليم المشافى المعافى ويجعله هو وأخيه لك ولوالده قرة عين لكم وأسأل الله بأن يجعلهم من الأبناء الأخيار والبررة والصالحين وأسأل الله بأن يديم حياتك أنتي والأخ أبو عصام في سعادة ومحبة ومودة دائمه وأن لايغير عليكم بسؤ وأن يحفظكم من كل شر وعين وحاسد وأن يتم نعمته عليكم دنيا ودين اللهم آمين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله