اختي هدي بالك نصيبك راح يجيك ان شاء الله انا مستغربه توترك وحزنك ليه ؟؟ حطيت نفسي مكانك واختي اللي بعدي اصغر مني بسبع سنين والله حلف يشهد عليه الله لو انخطبت اليوم ما راح ازعل ولا اتضايق لاني عارفه انها مسالة نصيب
وبعدين اللي انخطبت اختك مو وحده غريبه تحاول تغيضك وتحسين انها انتصرت عليك .. مهما يكون هذي اختك واكيد انك تتمنين لها الخير وبعدين وش سنتين الفرق وربي مو فرق هذا نصيبها وجاها ادعي لها بالتوفيق وخليك واثقه من نفسك ليش مكبره الموضوع
صديقتي اختها اصغر منها بخمس سنوات وتزوجت فرحت لها والله وخلت الامور تمشي طبيعيه ولا عطت الناس اي اهتمام بس استمرت تدعي الله لين جاها واحد ما تحلم فيه
وظيفتك لا تخسرينها الناس ما راح ينفعونك وراح يتكلمون ان تزوجتي وان ما تزوجتي رضا الناس غايه لا تدرك ولازم تخلينهم اخر اهتمامك من هم عشان تدمرين مستقبلك عشانهم ؟
ادعي الله يرزقك الزوج الصالح ويفرح قلبك مع قلب اختك ويكون زواجكم بيوم واحد مافي شي مستحيل على مدبر الامور سبحانه
روووقي وفوضي امرك لله اليوم جمعه اسألي الله والحي في الدعاء والله يوفقك ويعجل لك بالزوج الصالح ويبدل حزنك هذا فرح عظيم آمين ..
__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )