الله يهديك بس عارفه موقفك صعب وانا مريت بمثله واصعب لكن ايضا حركتهم بايخة ماتليق
بس قولي اللهم اجرني في مصيبتي
انتي حتى عملك تبين تتركينه وش هالقووول تبين يتشمت فيج القاصي والداني
ادعي ربك يفرغ عليك صبر
ياكثر اللي تزوجوا خواتهم قبلهم بس ماضعفوا
انا ايضا خواتي اللي اصغر مني تزوجوا لا ولما الحرمة كانت تخطب لأختي الصغيرة فكرت انها تقصدني لأنه واضح موضوع
خطبه من التليفون لا وكنت اقول لأمي وخاصة اني كنت بوعكة صحية اقول لامي بس اتعافي واوافق بس بعدين
عرفت انه مو لي على علمكك
انت تبين الناس يقولون مسكينه ومن هالكلام خليك عادي لو انك محروقه من داخلج لكن تظاهري عادي
عشان ماتدري ممكن تلفتين انتباه احد من الحضور في خطبتها
وترى الزواج رزق انتي وتوظفتي ماشاء الله في غيرك له سنينين ومتخرج قبلك وماوجدها تخيلي لو جاتك وحدك وتخاصمك وتقول ليه وافقتي على الوظيفه انا متخرجه قبلك حتى لو انها اختك وش شعورك هذا ايضا رزق الوظيفه رزقك والزواج رزق
ولعل اختك خايفه من ردة فعلك وايضا بينكم حزازيات زاد الموقف
ارضى بقضاء الله انا خواتي اللي دوني ماشاء الله تبارك متزوجات من سنين وعندهم عيال الله يوفقني
نصيحة ارجوك ارجوك لاتتركين عملك والله راح تتعبين وتشمتين فيج الخلق وارضي لعل الله يكرمك بزوج احسن وايد من زوجها

__________________
[COLOR="Indigo]اللهم اجعل حبك وحب نبيك احب الي من نفسي واهلي والماء البارد يارب ارضى عني وارضني يارب* ارجوا من كل من اسأت اليه ان يسامحني بالنسبة لي مسامحة الجميع
[\COLOR]