عآد ايش تسوين ياقلبي هذا امر الله ومابيدك شي غير انك تدعي ربنا
وكل تأخيره وفيها خيره
تأملي قول الله عزوجل في هذه الآيه الكريمه
(وعسى أن تكرهوا شيئا وهو خير لكم وعسى أن تحبوا شيئا وهو شر لكم ، والله يعلم وأنتم
لا تعلمون )
شعور صعب صراحه وافتكر نزلت موضوع عاد ماادري هنا ولافي منتدى ثاني مقارب لموضوعك
والكل قام ينتقدني كويس بعد انهم ماسبوني انتي ماتبغى الخير لاختك ومن هالكلام وانا والله
احبها واتمنى لها كل خير عكسها طبعا
اختي الغاليه
احمدي ربك ليل ونهار ان ربي رزقك وظيفه تقدري تهربي لها وتنشغلي فيها لكن انا ولله الحمد
على كل حال ماعندي وظيفة ومااقدر اتهرب في هالمواقف حتى غرفت نومي مشتركه مع اختي
وسامحينى حابه افضفض عن مشكلتي بموضوعك لاني حسيت انك زيي بس الفرق انه انا ماابين
لأهلي وخواتي واسوي نفسي مبسوطه مرررره واهلى متجاهليني لابعد درجه لدرجة حسيت
نفسي ولد مو بنت ومو مهم يهتمو لامر زواجي كثير
بس ربي هو الوحيد الي كان حاس فيه
حنا في جماعتنا ماقد صار انو وحده تنخطب وتتزوج قبل اختها الكبيرة وان تزوجت انحكم على اختها الي اكبر منها بالعنوسه حتى لو كانت ملكة جمال وادب واخلاق
هذي نظرة جماعتنا واهلي عارفين بهشي
قبل سنه لما كان عمري 26 عائلة طلبت من امي انو يخطبو اختى الي اصغر مني بسنتين وهالعائله بالذات مانقدر نرتبط فيهم
المهم امي وخواتي يقنعو اختي والي استغربته ترددها بالموضوع انا انصدمت بيني وبين نفسي وعارفه ومتأكده انو في قرارة نفسها ماتبغاه
بس احسها من تشجيع امي وخواتي
لها تبغى توافق + انه انا وياها في ذيك الفتره كنا متخاصمين واعرف تفكير اختي فهالمواضيع ممكن تقهرني وحتى على حساب نفسها +وكمان استغربت من اهلي انو مااهتمو للموضوع الي لو اختي تزوجت هالشخص مع مرور الايام ممكن بتصير فضيحه بسيطه
المهم هي اختي اسم الله عليها مافيها شي الله يحفظها من كل شر لكن لو انكشف شي للشخص هذا لو تزوجها احس ماتقدر ترفع راسها بعدين لذنب هي ماسوته
+ انو هالعائله فيها قريبه لنا بيننا وبينها مشاكل ومقاطعين بعض
وصلت بها انها توافق وامي فرحانه ونفس الشي خواتي انا صراحه بكيت بيني وبين نفسي وجلست ادعي يارب ان كان هدفها بس تتزوج قبلي علشان تقهرني فيارب لاتكتب نصيبها الحين قبلي
دعيت كذا لاني اعرف تفكير اختي و لان بيني وبينها مشاكل
واحسها ماطيقني واحيان كثيره احسها مو اختي وغيووره جدا في حين هي تملك اشياء حلوه بشكلها وجسمها انا لااملكها
والحمدلله تفركش الموضوع منها بعد لأنو امي كل يوم فوق راسها لين اختي قالت والله مااتزوج
وامي دايم تحب تاخذها الاعراس معاها
واختي المتزوجه تتصل عليها وتقولها على قائمة الاعراس لصيفيه عام 2011 وتشجعها على الحظور
وكمان تتصل على اختي الي اصغر من اختي هذي وتقولها حاولي من الحين تسوي ريجيم وتهتمي بنفسك وفي زواج لعائلة فلان بن فلان
لازم تحضري علشان يشوفنك وانا لاتدق علي ولاشي ولاكأني اختها
بس تدق علي لو بغت تفضفض عن مشاكلها لا وبعد ان مالقت لاامي ولاوحده من خواتي تجي تلجأ لي!
اختي المتزوجه
لها فوق الشهر ماتكلمني وان دقيت عليها وبغيت اسولف تسولف معي ببرود تام وكلمه ورد غطاه عكس خواتي الباقيات
لدرجة اني اتضايق منها واقولها يلا مع السلامه وتتصل بعد شوي وانواع التهزيء والسب انتي ماتعرفي
انو زوجي جنبي وامااقدر اتكلم معاك وكلامك كله يفشل ورجاء لاعاد تدقين علي
بالذات انا تضايق مني لو دقيت !!؟
الله يرزقك ياصاحبة المشكله ويرزقني ويرزق جميع البنات الي يبغو يتزوجو الزوج الصالح الي يخاف الله فينا ويرزقنا الذريه الصالحه ياااااااااااااااارب عاجلا غير آجل يالله
التعديل الأخير تم بواسطة مسك 2009 ; 20-05-2011 الساعة 02:15 PM