الف مبرووك خطوبة اختك و عقبالك ..

اختي امر الله اذا جاء ما يرده شي لا حزن و لا زعل

انا مثلك بنفس الشهر اللي ملكت فيه اختي و قبلها بكم اسبوع

انفسخت خطوبتي و تدهورت نفسيتي و لأن الامرين كانوا بنفس الوقت

لقيت الكل ملتف حوالين اختي و يبارك لها و الفرحه على وجوههم

تمنيت احد يوفق معاي و يساندني لكن ما سمعت غير كلمة الله يعوضك

ما تتصوري كيف كان استعدادي و تجهيزي كل شي انتهى في لحظة

و كل اللي حضروا الملكة احس ان نظراتهم تلاحقني ليش فسخت خطوبتها

حزنت .. بكيت .. دعيت كل شي سويته لكن القضاء ما يرده شي

كل يوم افتح الدولاب و اشوف ملابسي و تجهيزاتي تدمع عيوني تلقائيا

احس ان فرحتي جات بعد صبر طويل و ضاعت في يوم واحد و الحمد لله على كل حال

اسأل الله ان يرزقك الزوج الصالح لا تحزني ربما زواج اختك فاتحة خير عليك

ممكن في ملكتها او زواجها تشوفك وحده من الحضور و تعجب فيك و تطلبك لولدها

ادعي ربك ما راح اكون مثاليه و اقول لك انسي الموضوع و طنشي لأني مريت بحالتك

و يمكن اسوأ لكن ( تناسي ) الموضوع و الله عز و جل لم و لن ينسى عبادهـ من رحمته و واسع فضله