استخيري وكلمي الوالد اذا تشوفين انه حل مناسب



السلام عليكم

اختي قلب متحدي
اسئل الله ان يرزقك الزوج الصالح
ويعوضك خير على صبرك وبرك بامك


حبيت الفت انتباهك لنقطه ممكن تكوني غافله عنها

ان الله عز وجل اذا قضى امر فلن يقف بوجهه لا امك ولا غيرها
لو ربي كاتب لك هذا الرجل زوج مستحيل توقف بوجه قضاء ربي

والدليل شوفيها لما كانت تبغاه زوج لأختك مع انها بذلت كل شي لدرجة انها تخلي بنتها تكلمه وهو غريب عنها

وانتي بذلتي كل شي عشان تتزوجينه وماصار

يا اختي ربي مو كاتبلك هذا الانسان ولا كان تيسرت امورك من اول خطبه لك منه
وتذكري قصة الخضر عليه السلام مع موسى عليه السلام
عندما قتل غلام فقال له قتلت نفسا زكيه
مارد عليه الخضر الا بعد 3 اشياء حصلت
طبعا موسى عليه السلام يشوف ان هذا خطا كبير وان قتل الغلام جريمه وشي خطير جدا
وانتي لو تفكري تقولي حرام وش ذنبه وليه قتله الله يصبر قلب اهله ومن هالكلام

طبعا الخضر عليه السلام شرح السبب وقال ان هذا الغلام كان عاصي وامه وابوه كانو مطيعين لله تعالى
فلو تركناه كان اغواهم وصارو مثله
واكيد تقري الايه الكريمه (انما اموالكم واولادكم فتنه )

لو كان عندك يقين لو واحد بالمئه ان ربي كاتبلك هذا الرجال زوج وامك كانت اليد العابثه اللي قطعت رزقك
مع ان رزق ربي مفي مخلوق على وجه الارض يقدر يقطعه
هذيك الساعه اقدر اعذرك


لاكن يا اختي الرضا بالقضاء والقدر باب عيم غفل عنه الكثير
وانتي ماقصرتي بذلتي كل الاسباب بس ربي مو كاتبه لك
لاتاخذينه غصب بعدين تندمين

بقولك قصة واحد اعرفه
حارب الكل وترك الدراسه عشان ياخذ بنت عمه ولا سمع لا كلام امه ولا كلام غيرها
وتزوج البنت
والحين جايب منها4 عيال
والله انها معيشته في عذاب
واصلا هي تقوله بنفسها ان زوجها قالها بعد شهر من زواجهم انا انصدمت منك ما توقعتك كذا
لا اخلاق ولا تربيه ولا نفس زينه ولا اهتمام ولا شي وفوق هذا كله تحتقر امه ولا حتى تسلم عليها باي مكان
وحتى لما يمرض مايسوي له الاكل الا امه
وله فتره يبحث عن زوجه ثانيه

شوفي هذا اللي حارب الكل عشان ياخذها


فكري بكلامي وارضي باللي ربي قدره لك
وادعي الرحمن الرحيم انه يكتبلك الخير وين ما كان
دعواتك بالعفاف لي ولبنات المسلمين

__________________