منتدى عالم الأسرة والمجتمع - عرض مشاركة واحدة

21-05-2011, 07:52 AM

#15

ندى_1406

عضو المنتدى الفخري

تاريخ التسجيل: Jul 2004

المشاركات: 5,618

أصلا مافي أحد ماأنضرب يوم هو صغير بس عادة الضرب الي يأثر ويبقى في النفس الضرب العنيف الي بالجزمه مثلا وإلا على الوجه وإلا بالعصى أحسه صراحه يعقد الطفل وفعلا يطلع ضعيف شخصية (عندي وحده من جاراتي تضرب أطفالها بالخيزران وهم بعمر ست وأربع) أحسهم صراحه معقدين
وبعض الأهالي يضربوا أطفالهم لحد ماتسير ماتفرق معهم الي براسهم يسونه أذكر مره ولد كان بفترة مراهقة سمعته يتكلم عن ضرب أهله ويقول أعمل الي أبيه يعني وش بصير بنضرب وخلاص

أنا بالنسبة لي ولأني عندي بنتين والبنات معروف غير الأولاد أهدى وطبعا أحس مو حلو البنت تنظرب (أبوي من صغرنا يقول البنات ماتنظرب غير الأولاد يعني) فنادر لما أضرب والظرب يكون على اليد بس طبعا مو خفيف هذا أذا وصلت معااااي
بس عادة أتخذ أساليب عقاب ىثانية مثلا بنتي الي عمرها خمس من العقاب الي أتخده معها أمنها تلعب على الكمبيوتر أو أخليها تنام قبل بموعدها بساعه وهذا أشد أنواع العقاب عندها لانها ماتحب النوم بدري أبدااااااااا
أما بنتي ال يعمرها أربع امنعها تشوف كرتون مثلا وأحسها أساليب ناحجه أكثر من الظرب بكثييييير

مره كنت أتكلم مع أختي الكبيرة عن هالموضوع قالت لي الولد لازم ماتمر أوقات الا ماينضرب بس أهم شي بحدود المعقول مثال ضربه باليد باعصى زي المدرسه يعني ويكون عدى السبع سنوات تقولي ماينفع أبد الولد تتعاملي مع ولدك وأنتي شايله مسألة الظرب من قاموسك نهائيا لأنه بتجي فترة ويأمن العقاب ويصير يعاند ويتمرد

ومثل ماقالت مهره أذا كنتي حازمه مع أبنك حتى لو ضربتيه وقت العقاب وحنونة بغير وقت العقاب هذا شي مايأثر سلبي على الطفل بس أهم شي تخليه هو يعتذر ويعرف غلطه

وللعلم ضرب الطفل بقسوة أكيد أنه حرام بالشرع ويكفي أنك أذا شفتي أم في مكان عام تظرب طفلها بقوة ترحمي الطفل الاسلام دين رحمه يعني لما تجي الام تضرب علشانه معصبه أونفسيتها مقفله أو علشان أبنها قاعد يبكي تقوم تضربه بصراحه مالها دااااعي أحيانا أشوف أمهات تضرب أطفالها بس لأنهم قاعدين يبكوا ومهم راضين يسكتوا فتمل منهم وتعصب وتقوم تضرب

أسأل الله أن يرزقنا السداد في تربية أبنائنا وأن يرزقنا برهم
اللهم أمييييين

__________________

هل تتعرضين للأبتزاز ؟؟ أدخلي هنا

مفضلة المتزوجين 2011-2014

مفضلة المقبلين على الزواج 2014

.

التعديل الأخير تم بواسطة ندى_1406 ; 21-05-2011 الساعة 07:59 AM