الأخ الكريم معدن الرجوله بارك الله فيك أسلوبك في طفولتك ذكرتني بواحد من أولادي كان عمره 6 سنوات كان لو طلع مع أبوه السوق أوالبقاله وشاف أحد يدخن قدامه سجائر كان يرو ح له ويسلم عليه و يقوله بلهجته الطفوليه يا أحي التدحين حرام ويجيب لك مرط سلتطان سوف إيس متوب عليه من بلى يقصد إن التدخين حرام ويجيب لك مرض سرطان و يقول له شوف إيش مكتوب عليه من برى يجيب لك أمراض لأنه مره وحنا طالعين برى شاف واحد يدخن وسألني ماما الرجل هاذا إيش ياكل يطلع من فمه نار فأنا شرحت له إنه حرام ومايجوز ويجيب أمراض والولد حفظها عن ظهر قلب وكل ماشاف أحد يدخن ناداه وينصحه والله إنا حتى وحنا واقفين بالسياره عند الإشاره يحطنا في موقف محرج لو شاف أحد واقف جنبنا في سيارته يدخن يقوم ينزل قزاز السياره من الباب الخلفي ويجلس ينادي عليهم هيه يا أخي التدخين حرام لاتدخن الدخان يجيب لك مرض والدكتور ماعاد يعالجك ولو جينا نمنعه يجلس يبكي ويتشوت في ظهر المراتب الأماميه ومره يقول أبوه رحنا البوفيه وشفنا إثنين جالسين يشربون شاي في البوفيه وفيه واحد منهم يدخن يقول أنا منتظر الطلب وأحسبه واقف جنبي وهوا راح عند الرجل إللي يدخن يقول له طفي الدخان بيجيب لك مرض وحرام تشرب دخان يقول زوجي ألتفت أدور عليه إلا والرجل ماسكه من يده وطفى سجارته ونادى عليه قال له هاذا ولدك قال له زوجي إيه عسى ما أزعجكم بس قال له الرجل لا والله نسأل الله أن يبارك لك فيه ويحفظه لك ويجعله من الأبناء الصالحين
ومواقفك في دعوتك لعمال البلديه ضحكت عليها وتذكرت مواقف إبني لما كان صغير نسأل الله أن يوفقك في حياتك يا أخ معدن الرجوله ويرزقك بنت الحلال إللي تسعدك وتسعدها ويعطيك ربنا منها الذرية الصالحة المباركه اللهم آمين يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله