سمعي الحبيبة ديالي,راني بنت بلادك بحالي بحالك و الأخت الغالية أخت في الله جابت ليك من الاخر و عطاتك المفيد.
بغيت نضيف :
أنا ما غاديش نلومك على اللي فات ,حيت صراحة تسرعت و خليت مشاعرك هي اللي تقودك و باقي هو غريب عليك مابيناتكم والو...و هادشي داز توبي لله و ماعمرك باقي تزربي على راسك و تعطي لشي ولد المرا قيمة أكثر من اللي هو عاطيك.
المختصر المفيد : هادا ما كايبغيك و ما عمرو بغاك, نفترضو أهله هما اللي عمرو ليه راسو أو شي واحد عمر ليه راسو عليك و ديك الهدرة باش تبرئيه...إيوا فين هي الثقة ,كانعرف إيلا كنت كانبغي شي واحد ما نصدقش أقاويل عباد الله وخا أمي...يعني نساي و نساي و نساي قصتكم كانت غالطة من الأول...عطي القيمة لراسك و إيلا عيط ليك جاوبي ببرودة و كوني حاسمة و قولي ليه أنا اللي ما باقيش بغيتك و كانطلب الله يغفر لي على حياتي اللي ضيعتها معاك , مانادماش عليك حيت نتا ما تستحقش ولكن نادمة على راسي اللي حنيتو ليك باسم الحب و ضيعت حقوق ربي عليا و حقوق أهلي...صافي
توبي لله من جديد و ادعييييييي من قلبك الله يلاقيك مع اللي يتقي الله فيك و إيلا عطاك وعد إيكون راجل و شوفي نصيحة اختي ...علاقات النت تفادايها و اللي بغاك حقيقة الحب هو اللي يسارع باش يجي لداركم و يكسبك بالحلال أما اللي "اليوم لا حتى لغدا ,لا ماما لا بابا " و الأعذار فالله يبعد عليك بحال هاد الأشكال
و نوووووضي من الفراش و الصدمة و المرض,والله ما يستحق دقيقة تفكير تضيعيها عليه...عيشي حياتك و نساي اللي مايستاهلش و ضحكي و نشطي و اطلبي السماح من داركم حيت حطيتهم في وضعية خايبة و استغفري الله و الله كبييييييير و ما غاديش يضيعك غير ارجعي ليه.
الله يجيب ليك اللي يفرحك