المشاركة الأصلية كتبت بواسطة a7bha
اختي سيدة الموقف انا لم اعرض الموضوع الا وانا اريد المشورة الصادقة وهذا لن يتحقق الا باتضاح الصورة واخفائي لشئ لن يساعدني خصوصا ان الموضوع انتهى لكن احب اوضح النقاط الاتية :
- كان بيننا حب بالحلال بعد الزواج لدرجة انها تقول لي انت مثل الماء والهواء بالنسبة لي وما اقدر اعيش من غيرك 0
- بداية الشرخ في العلاقة حصل خلاف بينها وبين اخواتي في بيت اهلي وفي غيابي لسفر واخواتي اساؤا لها ولاهلها وسبها بكلام جارح وهي ردت عليهم وسبتهم وسبتني وسبت الوالد وكان الوضع قلة حياء وسفاهة لا تليق0
- حاولنا نصلح الامر ولكن لا تقبل اي اعتذار ووصل الموضوع للقطيعة بينهم وتأثرت علاقتي بأهلي واخواتي واصبحوا عدوات لها0
- صار بيني وبينها خلافات كثير لأنها متطلبة بزيادة ووضحت هذا في موضوعي الاصلي يعني تخيلي هذا الموقف من باب الفضفضة: اول ما ولدت بالبنت طلبت شغالة وهبلت في لاني تأخرت شهر وجت الشغالة ومضاربات مع الشغالة كل يوم وقالت هذي ساحرة سفرها ورفضت وقام اخوها ضرب الشغالة وهي عندهم واتهمته انه يتحرش فيها وعملوا سالفة واضطريت اسفر الشغالة واستقدم ثانية وكله على حسابي وعلى حساب التزاماتي ولما جت الشغالة شهر واحد وبدأت تشتكي منها انها ما تعرف تشتغل وتزن على راسي اسفرها واجيب فلبينية وحاولت الرفض فنكدت عيشتي ونقلت كفالة الشغالة واستقدمت فلبينية على طلبها ومن ثاني يوم هاوشتها والله هذا اللي صار وقالت سفرها قلت مو معقول كل يوم شغالة والله لو سافرت ما راح اجيب غيرها قالت شوف يا انا يا الشغالة في البيت قلت لها بكيفك قامت بتتصل على اهلها قمت اقنعتها ان تصبر على الشغالة بعد شهر تصحيني من النوم الساعة 4 الفجر تقول سفر الشغالة ما اتحمل والله يا ناس شئ لا يحتمل قمت سبيتها ولعنت اليوم اللي عرفتها فيه نكدية وتحب المشاكل وبتسألوني ليه احبها باقول لكم لاني طيب بكل بساطة ولا غيري طلقها من زمااااااان 0
- مو مقصر معها عاطفيا وجسديا ومهتم في لبسي ومظهري
ولا قصرت معها ماديا ومع ذلك تقول اني بخيل 00 هل فيه بخيل يجيب 4 شغالات في 4 سنوات هل فيه بخيل ياخذ زوجته على اسبانيا وتركيا وماليزيا ودبي ومصر ولبنان هل فيه بخيل زوجته ما تعرف الا فنادق 5 نجوم والاماكن الفخمة لكن في النهاية مقدر ومكتوب ولا احب افيدك اني غير مدخن وعمري ما خنتها وما اسافر خارج المملكة الا وهي معي ومتعلم وكل شي تمام لكن ما اراد الله الا خير0
|