منتدى عالم الأسرة والمجتمع - عرض مشاركة واحدة

24-05-2011, 08:09 PM

#34

colors

عضو متألق

تاريخ التسجيل: Feb 2007

المشاركات: 2,121

ما شاء الله عليكم متجمعين هنا ذكريات وأساليب وفضفضات

شوفي يا اختي أنا كنت أتعرض للضرب لكن مواقف معينة وبالضبط كيف كان ما أذكر على نفسي

وللأسف كنت أتعرض لضرب ولنقد لاذع كله في سبيل إني أكون زي الألف وما أخطأ وأكون أحسن الناس

وأحسن وحده تعليم وطموح وإنجازات

لكن للأسف كبرت وأنا دائما خايفه وحقي يآخذونه مني وأنا صغيره في المدرسة

حتى الكلام ما أعرف أتكلمه زين

يعني انهزت ثقتي بنفسي

ليومك هذا أعاني من تبعات التربية مع إني كبرت وفهمت وكلش

لكن ما تخطيت كل رواسب الطفولة

ولحد الحين أخترع من الصراخ العالي ويأزمني

وبالنسبة لأطفالي للأسف بعض الأحيان أسقط طفولتي عليهم لا شعوريا

من الصراخ أو الضرب

على إني معتمده الحوار والإقناع كأساس لكن لازم يجي صراخ وضرب مساكين الله يعينهم علينا

خصوصا إذا قلتي كم مره وهم مطنشين ولا يعيدون يكررون الخطأ

لكن الحمد لله الضرب مو على كل حال ولا هو بذاك الايلام

النقد الحمد لله محاولة أتجنبه بشكل كبير لأني أحسه هو سبب التأثر السلبي الأكبر على شخصيتي

أستخدم الحرمان من الأشياء اللي يخربوها يعني مثل اختي اللي قالت

لو شخبطت بنتي بالألوان ولا رمتهم أرفع عنها الألوان فترة

صحيح تتأدب لكن بعد فترة ترجع لعادتها يعني يبغالنا نعيد ونزيد الله يعينا

اقتباس:

وبالنسبة لعقاب عدم الحديث مع الطفل قالت لنا أستاذة في الجامعة ( ماجستير في التربية )
أن هذا العقاب خاطئ لأنه يجعل الطفل عندما يكبر يرفض الحديث مع أمه عندما يكون
غضبان منها لأنها عودته عندما تكون غاضبة منه لاتحدثه

أول مره أسمع كذا وكنت أعتقد انه مجدي لأنه فعلا يضايق الطفل إذا درى ان أمه زعلانه ولا ما تبغى تكلمه

لكن فعلا حصلت مواقف تزعل بنتي وترجع تقول لا تكلميني أنا زعلانه وتمشي

وفعلا توبيخ الأم وضربها أخف شدة من توبيخ وضرب الأب

ومثل ما اتفق الجميع انه الحنان والتعبير عن الحب مهم جدا لأنه الطفل ما يفهم كذا ويعي من نفسه

يستنبط من اللي يشوفه يعني كثير كنت أحس إنهم ما يحبوني إذا وبخوني ولا شيء وقت كنت صغيرة

فالحين إذا صار ووبخت بنتي ولا شيء أبين لها بعدها إأني حبها وأخاف عليها ومن هذا الكلام

ومن خوفي عليها وبختها ولا أحد ثاني ما اهتم انتي شتسوين صح ولا خطأ

التربية صعبة الله يعينا ويقدرنا نبذل ما هو خير لهم

استفدت من الجميع الله يوفقكم

والله يعينك عزيزتي حمل وطفل في سن يبدأ يعاند ويفرض شخصيته ويتعمد بعض المرات يستفز والدينه