منتدى عالم الأسرة والمجتمع - عرض مشاركة واحدة - رسالة خاصة لفتاة الحرمين الشريفين مع التحيه

26-05-2011, 12:27 PM

عضو متألق

تاريخ التسجيل: Feb 2008

المشاركات: 1,152

أنا ما أبي أقول دين.. ولا حكم الشرع.. ولا أنه المرأة درة مكنونة..
ولا بقول وقرن في بيوتكن .. ولا بقول تحرش.. هذا الشي ماله علاقة بالقيادة..

مافي دليل من القران يحرم قيادة المرأة..
والإقرار بالبيوت ماله دخل بالسواقه.. إحنا بدون سواقه وداجين..
والتحرش والمعاكسات موجودة في كل مكان.. سواء سقت سيارة ولا ماسقت.
صح بالبداية بيصير شوي استغراب وشي مو مألوف بالمجتمع لأنه ماتعودنا..
بس مع الايام بيصير عادي..

لكن اللي بقوله: ياجماعة يابنات يانساء يامؤيدين يا معارضين .

القيادة أبدا أبدا أبدا مو من صالحنا.. شوفوا الشوارع شلون مزدحمة!!!!
والله العظيم اللي يسكن بشرق الرياض عشان يروح للمستشفى ومعروف عندنا بالرياض الاسواق والمستشفيات والجامعات والمدارس الراقية والمطاعم كلللها بالشمال..

مانوصل للي نبيه إلا بعد ساعة ساعة وربع!!!!!!

هذا بدون حريم..

أجل لو نسوق والله مانوصل إلا بعد ساعتين ثلاث!!!!

أنا وحدة من الناس لو انفتح مجال للقيادة بسوق.. وخواتي بيسوقون وخوات زوجي بيسوقون وأكثر الحريم بتسووووووق عز الله ماتحركت السيارات!!!!!

أنا ضد ومن المعارضين للقيادة لأنه شوارعنا غير مهيئة لإستيعاب كم هااااااائل من السيارات..

أنا مع وجود سائق للأسرة.. في حال كان الزوج غير متفرغ لقضاء متطلبات أسرته.

وشاطئ المحبة تقول أوفر اشتري سيارة لزوجتي بـ60 الف .
هذي بالبداية .. لما تشوف صاحباتها سياراتهم كشخة وهي تمشي بكورلا ولا كيا.
ماتبي تصير أقل من غيرها

خاصة إذا هي اللي بتسوقها..

عاد بعد كم سنة الله لايهينك سدح قرنجاشاتك وطق لها أكورد ولا أفلون ولا فورد ايدج.. يعني بحدود 100 120 ألف

.

الصرفيه هيه هيه.. جيب لها سواق أحسن لك ولها.

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))