منتدى عالم الأسرة والمجتمع - عرض مشاركة واحدة

28-05-2011, 01:34 AM

روح الطير

كبار شخصيات المنتدى

تاريخ التسجيل: May 2005

المشاركات: 12,052

العابدة ...

الله يرحم الوالد و يغفر له يارب ..

و ضرب الأخوان مختلف جدا و أحس فيه إهانة كبيرة للفتاة ..
بس مثل ما قلتي ، يمكن ما كانوا متعودين على تحمل المسؤولية و خايفين عليكم ..

عندي أخواني الأولاد ، هم اللي أكلوا ضرب من أبوي و تعقدوا من الضرب من جد ،.
عشان كذا تلاقيني أسأل ؟ بس دحين و منكم إنه ضرب الأم للولد يختلف عن الأب ..

أمي العكس ، لإنها تدلع الأولاد مرة و عمرها ما ضربتهم ..

فعلشان كذا ما أعرف إيش هي أحاسيس و مشاعر ولدي إذا عاقبته و ضربته
و ما أبغاه يكبر و يصير دلوع و يتعبني ، لإني أنا مو مثل أمي و أتحمل دلعهم لحد ما يصيروا رجال ..

و بالنسبة لولدي و فرضه لرأيه ، صدقيني .. بأحترم رأيه و أشجعه إنه يكون له رأيي ..
و أسمع له و أناقشه حتى لو ما كنت فاهمة نص كلامه ..

بس يرتفع ضغطي مرات منه يوم عقله يصغر و يعمل زي الحركات اللي عملها ..
و مشكورة على النصايح ^_^

.........................

حلم و تحقق ..

و ماشية معاه بنفس الأسلوب اللي قلتي عليه ، بس مرات يعمل اللي في راسه
و يكون عارف نفسه إنه غلطان و إني حأزعل منه ..

أتوقع أفضل شئ إني أحرمه من أفلام الكرتون إذا كرر غلطه كم مرة و عاند ..

تسلمي لي ^_^

.........................

ندى ..

إيوة معاك حق ، و هي عصبية مرة و إذا أحدنصحها ،، تقول لا تتدخلوا و تخربوا تربيتي
و تقلبوا أولادي علي بسببكم ..

و أنا هذا اللي خايفة منه ؟ إني أشد مرة أو أكون لينة مرة ..
و ألف شكر لك على النصايح