هلاا و غلا بنت مكة الحلوة

طرق طبخ الباذنجان تجنننن و بأعملها كلها إن شاء الله و أكلها لوحدي : (
تعالي شاركيني

أما المكرونة باللبن فهي مشهية مرة بس مو تشبه اللي قال لي عنه زوجي
و مو نفسها

اللي زوجي وصفهاا لي اسمها ( طراطور ) و تصير باللبن مع الطحينة
بس كيف شكلها و مقاديرها بالضبط ؟ ما أعرف الصراحة ..

و كمان لو ممكن ، عندي الشيشبرك ،،
وحدة تعملها و تبيعها ، اشتريته منها و في الفريزر ..

أبغى أعمل الشيشبرك ( باللبن ) بس ماني متأكدة كيف ؟ لإنه زوجي يحبها
أمي قالت لي أحط نشا مع اللبن و الموية و أطبخها عالناار

بس زوجي يقول أمه تعمل الشيشبرك من غير النشا و يبغاها بنفس الطريقة
اللي متعود عليها في بيت أهله ، قلت له تأكد ،،

لإني دورت في النت و كلهم كاتبين إنه يحطوا لها نشا ؟
مادري إيش رايك بنت مكة ؟؟؟

و برضو الشاكرية نفسي أعملها له في يوم من الأيام
شكلي بأتعرف لي على أي شامية عشان أتعلم منها