منتدى عالم الأسرة والمجتمع - عرض مشاركة واحدة

29-05-2011, 01:13 AM

روح الطير

كبار شخصيات المنتدى

تاريخ التسجيل: May 2005

المشاركات: 12,052

مهرة ..

ولدي ما أعاقبه أمام أي أحد .. إلا بحالات جدا استثنائية و معدودة و كانت أمام ( أمي ) فقط ..

اقتباس:

لو كنت مكانج يا روح كنت كلمته اول ما قام من النوم وبسته ومسحت على راسه وشكرته

اقتباس:

على انه جمع القطع ورجعهم للعلبة (حتى لو كان عمله غير كامل أو غير متقن) .. بس على الأقل هذه
بداية جيدة ودليل على انه فاهمج ومستعد يسمع كلامج ويرضيج.

راحت عن بالي و الله ، و كويس إنك فكرتيني ..
المرة الجاية أعملها

حسبت إنه عدم عقابي له على الشئ اللي عمله ، هو ( مكافئة ) و شئ يكفيه ..

و حكاية القلم فكانت أول مرة ،. أفتكر اخر مرة رسم عالجدران كان أصغر من كذا و ما أظنه يفتكر ؟
و كنا في الخارج ، يمكن من 8 أشهر ..

خليك معاي ، فيه حركة عملها كمان من يومين بأكتبها بعد شوي ..

...............................

أصعب حكاية ..

يمكن كنت مرة شقية و إنت صغيرة ؟

ولدي الصراحة ( مرررررة حساس ) لإني أنا عيبي إني مرة حساسة و أبوه حساس ..

فأخاف على ولدي و مشاعره ..

و تعاملك مع أولاد أخواتك فكرني بأختي ، يخافوا منها كل أولاد أخواني و خواتي و يسمعوا كلامها ..

بس قلت لها إذا كبروا بعدين ما راح يحبوك .. انتبهي

.....................

بنت مكة .. مستشارتي في المطبخ ..

هههه كمان لك وجه تزعلي من أبوك و ما تكلميه ؟؟؟

الصراحة ، ولدي أول ما رجع من برة كان مرررررة نعوم و طيب و مسالم .. و كان ينضرب هنا من البزورة
و جلس هنا كم شهر و بدأ يتغير خلاص ،.

بأتركه الصراحة يتعلم كيف يدافع عن نفسه عشان لا يتبهدل مع الأولاد هنا ..
بس الحمد لله ، لحد دحين ما عمره يشتم و لا يسب و لا يضرب أحد ..
بس يعرف يدافع عن نفسه إذا أحد تعدى عليه و أخذ منه ألعابه أو أشياءه ..

ألف شكر ^_^