اهلين أختي عبره وهلت
نفس المشاعر اللي تمرين فيها مريت أنا فيها وكثير غيرنا أنا وياك مروا فيها
أحيانا يجي على الوحده وقت تلوم نفسها وتقول أنا يمكن غلطت ؟ أنا يمكن تسرعت؟
أنا يمكن قصرت ؟ أنا ما عرفت أحافظ عى بيتي !! وليتني صبرت
أعتقد إنها مشاعر طبيعيه والكل تقريبا مروا فيها ..
بس تذكري دايما إن هذا شي ربي كتبه علينا وما يندرى وين الخيره .. والطلاق والزواج والموت
كلها أمور مالنا يد فيها كلها مكتوبه عند ربي قبل لا ننولد فلا تحملين نفسك فوق طاقتها
وإذا دخل لك الشيطان من باب لو وياليت عشان يحزنك ادحريه واتعوذي منه وقومي صلي
ركعتين وادعي ربك واطلبيه إنه يفرج همك ويكشف ضرك وإنه يجعلك من الراضين بقضاءه ومن أهل اليقين ..
وصدقيني لا راد لقضاء الله و ما راح تاخذين إلا نصيبك
ولو اجتمعوا الإنس والجن على أن ينفعوك بشي ما راح ينفعوك إلا
بشي كتبه ربي لك ولو اجتمعوا يضرونك بشي ما راح يضرونك إلا بأمر الله ...
"قل لن يصيبنا إلا ما كتب الله لنا"
ولا يرد القضاء إلا الدعاء فادعي ربك بما فيه خير وصالح لك دايما وأبدا
وتذكري وعسى أن تكرهوا شيئا وهو خير لكم
ودايما خليك متفائله .. وخلي عندك حسن ظن بالله
ورددي هذا الدعاء للشافعي عشان يريح قلبك: (اللهم إني لا أملك لنفسي نفعا ولا ضراً ولا موتاً ولا حياة ولا نشوراً، ولا أستطيع أخذ إلا ما أعطيتني، ولا أتقي إلا ما وقيتني،
فوفقني لما تحب وترضى من القول والعمل في عافية).
أسأل الله تعالى أن يصبرك ويربط على قلبك ويصلح الحال إذا فيه خير لك ويبارك لك في ولدك ويرزقك بره ويكتب لك الخير ومافيه .. آمين
تحياتي لك ،،،،

__________________
لا اله الا انت سبحانك اني كنت من الظالمين