المشاركة الأصلية كتبت بواسطة روح الطير

فكرتيني بواحد من أخواني ، الوحيد المختلف عن بقية أخواني ..
من جد يضرب فيه المثل اللي يقول ( ضربني و بكى ، سبقنى و اشتكى )

و كله بسبب ( كثرة الدلال المفرط ) ..

على قد ما تحسني له ، على قد ما يروح و يتكلم و يشتكي للناس عنك ..
دايما يبغى يكون ( مظلوم ) مع إنه ( ظالم ) .. فقط من أجل إنه يكسب ( تعاطف الاخرين )
أو ( تعاطف الماما عليه ) ، لإنه أمي هي اللي تصدقه و توقف معاه و هذا سبب استمراره

المهم إنه تزوج دحين و نفس الشئ مع زوجته ،،
و زوجته ما تدري إيش يجلس يتكلم عنها من وراها ، بس لإننا نعرف أخونا فما نسمع له
و دايم أقول لأمي ، لا تصدقيه .. مثل ما يتكلم عن زوجته قدامك ، بتلاقيه يتكلم عنك قدامها
و تلاقيه ( دجاجة ) قدامها ، و قدامنا يعني إنه ( أسد ) عليها ..

اللي مثله للأسف ( ما يتغير ) إلا إذا جاله ( توبيخ ) من أهله ..
بس شكله عاجبه الوضع ، لإنه بيكسب تعاطف أهله من خلال شكواه عنك
و لو إنت ما كنت عنده ، راح تلاقيه يدور عن أي شئ عن يشتكي و يلقى الحب و الإهتمام و الحنان من أهله

عن نفسي ، ما أتوقع طبع أخوي بيتغير ..
و الله يعين زوجته ، و بقية أخواني مافيش ولا واحد مثله و الحمد لله ^_^