منتدى عالم الأسرة والمجتمع - عرض مشاركة واحدة

06-06-2011, 01:10 AM

المنصدمه

عضو نشيط

تاريخ التسجيل: Feb 2011

المشاركات: 178

هل سبق أن ضعت وأنت صغير ؟

الحمدلله لا

لكن وحده من خواتي الله يهديها داييم تضيع مع إنها مو صغيره آخر مره قبل شهرين ضاعت بالعثيم مول << حق الرياض كبره فضييع

طابعا الجميع يبحث عن هذه الطفله الصغيره التي لا يتجاوز عمرها الــ 8 سنوات يبحثون وقلوبهم تكاد تخرج من الخووف
وماخلينا أحد ما سألنه عنها بالاخير قلت الله يستر إن ما أخذها أحد وطلعوا برا المول
وأنا أدور ودموعي على خدي من الخوف
أتذكر كل لحظه عشتها معها < فيس حزين
المهم
بعد ما أنتشرنا كلنا بالمول ندورها لقتها أمي مع حارس الامن تصيح
ويجي الهواش من كل فرد

/

ليش ضعتي ؟ !

وين رحتي ؟ !

أذكرك بيدي شلون ضعتي ؟ !

فشلتينا عند الناس تقل مهابيل ندورك < أبد مب أنا اللي قلتها

وين عيونك ماتشوفيننا ؟ !

..... وتطول قائمه الاسئلة

مدري ليه إذا ضاع أحد نهاوشه مع إننا خايفين عليييه المفروض نضمه
لكن للأسف العصبيه تسبق الحنان

/

ومره نفس اختي هذي ضاعت بحرم المدينه وكانت عليها أسوار كأنها ذهب وهي مو ذهب

وأمي كانت تشرب ماء واختي الثانيه بعد قالت لي أمي أمسكي أختك لا تضيع وكان يأذن المغرب قلت أنا بشرب ماء أسرع علشان نحجز مكان قبل ماتخلص الاماكن قلت لأختي أجلسي جنبي شربت ماء بسرعه وألتفت مافيه أختي والناس تدخل للصلاة كان زحمممه مررررررررره الحين أنا اللي ضيعتها
وندورها بالزحمه ويصلون ويخلصون مالقينها قالت أمي راحت البنت علشان سواره وتصييح أمي صياح فضييع < أنا خلاص بذيك اللحضة تمنيت أمووت بس نلقاها موقف مرعب

خلصوا مصلين وراحت الصلاة علينا وبدت الناس تطلع وحنا ندور داخل الحرم وبالساحه وحقات الامن يدورون معنا والحمدلله لقيناها قبل آذان العشاء بدقائق

والله يا أنا هاوشتها هواش محترم <

/

ضيآع الاطفـال مشـاكل مو بس مشكله

يعطيك العافية أخ رجل الرجال على الموضوع الرائع

__________________

لا إله إلا الله وحدة لاشريك له لهُ الملكُ ولهُ الحمد وهو على كل شيء قدير