السلام عليكم ,,
أعتقد أني من الأعضاء المتابعين لمواضيعك منذ البداية وأظن أنك تتذكرني جيداً
أفهم قصتك بكل جوانبها ومتابعة لأحداثكم وتطوراتكم بإستمرار ,,
وما ذاك إلا لأن هموم ومشاكل إخواننا وإخواتنا المسلمين تهمنا كثيراً .. 
جلست أفكر كثيراً في مشكلتك .. وبعد تفكير عميق توصلت لبعض الحلول البسيطة ..
لا يهمني أخي الكريم إن رددت عليّ أم لا ..
المهم أن تقرأ ردي بتمعن وأتمنى أن لا تتجاهله ..
وأن تفكر فيه بجدّية ..
دعني أخبرك أولاً أنك لن تنساها مهما كلف الأمر ..
وستظل تحبها وتحبها وتحبها وتشتاق لها وتكّن لها كل المودة والله أعلم ..
هل تعلم لماذا ؟؟ لأنك رجل !! والرجل غالباً يحب المرأة الصعبة خاصة إن كانت
متوافقة مع أفكارك وذكية بتعاملها وتعجبك صفاتها .. حتى وإن كانت أرملة
فهذه صفة لايمكن أن تعيبها أبداً وحتى لو خاضت تجربة زواج بعدك فهذا لن ينقص
من قدرها وقيمتها نهائياً فهي لم تفعل الحرام هي تزوجت على سنة الله ورسوله
ولكن قدّر الله وماشاء فعل وكلها بلايا ابتلاها الله بها فقط لأنه يحبها ..
أخي الدكتور الكريم ..
عندي لك اقتراح جدّي وأتمنى أن تفكر فيه بجدّية كما طلبت منك سلفاً ..
اتذكر أني سمعت عن شخص معدد مثلكم .. رتب أموره بشكل ممتاز مع زوجاته
سوى له زي الشقة الصغيرة أو قسم منعزل فيه اغراضه وكل شيء يخصه
ويجلس هو فيها وينام واللي يجي دورها تجي هي عنده بدلاً من إنه يروح لها ..
اعتقد هالفكرة تناسبك معهم .. بحيث إنك ماتروح لبيتها ويتكدر خاطرها وتتذكر زوجها
اذا صارت ليلتها تجيبها عندك .. وهكذا الحال مع بقية زوجاتك ..
يعني المبيت في شقتك الصغيرة وبقية النهار زيارات متفرقة لكل واحدة في بيتها
واللي تجي عندك عليها ترتيب قسمك الخاص وتلبية حاجاتك ..
وتصير بينهم مثل الملك 
وبهذا تحقق العدل مع الجميع .. سواءً في المبيت وغيره ,,
هذا اقتراح ..
والاقتراح الثاني بخصوص الإنجاب ,,
ارى لو تعطيها مطلق الحرية في الإنجاب أو عدمه .. خلك شوي ذكي ..
قل لها خلينا نصبر سنة ونشوف وضعنا اذا استقر وارتحنا اترك لك مطلق الحرية
اذا تبين عيال أنتي اللي عليك التعب هي اللي بتحمل وتشقى وتتعب
وتولد وترضع وتسهر أنت وش عليك ؟؟
اتوقع والله أعلم اذا عطيتها حرية الاختيار راح تكتفي بما عندها من أولاد ..
بس راح تثبت لها إنك تحبها وغلاتها من غلاة زوجاتك وإن لها حقوق كاملة
كما غيرها من النساء وإنك مو متزوجها بس للفراش ..
وإذا أصرّت تنجب قل لها لو تجيبين طفلين فقط لأنها في هالعمر ماراح تتحمل
ولادات متكررة وقل لها أبيك تربينهم تربية صحيحة وأخاف إنك تكبرين وهم
يصيرون في أوج شبابهم وتتعبين معهم ..
يمكن خاطرها تجيب بنت ؟؟ لأن اللي عندها بس أولاد ..
وبعدين أنت وش يضرك دام إنها إمرأة صالحة يمكن تجيب لك ( عالم )
وإلا ( فقيه ) وإلا ولد صالح يدعو لك .. ويمكن ماينفعك إلا عيالها ؟؟
ماتدري ؟؟ كل شيء بعلم الغيب ..
وبكذا ماتخسرها ولا تخسرك .. ولا تجلس طول العمر تتمناها !!
خلك ذكي ترى الحريمات مايجون إلا بالمسايسة ,, 
صدقني أنت كذا تتعب نفسك ع الفاضي .. يمكن أصلاً ماتحمل ولا تجيب شيء !!
كذا من الله !! بعدين الموانع من حبوب حمل بانواعها ضااااره لا سيما إذا صارت
راح تتناولها لعدة سنوات .. صدقني التنازل لازم يصير منك أعتقد أنت مقتدر
واكاديمي مثلك يقدر يتكفل بنفقتها كاملة ..
المهم الآن أن تتنازل بشكل ذكي وأن تزرع الثقة في نفسها تجاهك ..
أرجوك لا تتركون بعض .. المرأة ضعيفة وبحاجتك ,,
وأخاف إنها تتزوج مره ثانية عشان تحاول تنساك .. فأسرع قبل فوات الأوان !
عقبال ماتسمعون :14: برجوعكم لبعض مره ثانية
أختكم د. مشكلة والله !
عميدة كلية المشاكل والدعم الفني ,,
التوقيع : ششخخطط
__________________
ربي .. إلى من تكلني ؟! ,, ~
التعديل الأخير تم بواسطة مشكلة والله ! ; 06-06-2011 الساعة 03:20 AM