اذكر مرة من سنوات كنا في احدى المنتزهات اللي بالعاده اخذ اولادي عليها و كان يومها احتفال بعيد الاستقلال و في هذا اليوم بتكون في في المنتزه ملاهي و العاب ناريه والناس اعدادها بالمئات هناك
ومن كل الجنسيات و الاديان وقتها كان ابني الكبير عمره سنتين و نصف وبنتي 6 شهور و كنت انا وزوجي مع بعض فاللي صار وقتها انه زوجي بده يروح لقضاء حاجته وانا حكيتله خذ الولد معك مشى زوجي و على طول لحقه ابني بعد شوي رجع زوجي لوحده بساله فين الولد حكالي كان معك و انا بحكيله لا لانه راح لحقك و قتها مش عارفه كيف اوصف مشاعر الخوف اللي بداخلي و على طول راح زوجي بده يدور عليه وتركت بنتي في عربايتها و حكيتله انا كمان بدي اروح ادور عليه بس زوجي حكالي ارجعي للبنت بلاش نكون بواحد و نصير ب2 لاني من الخوف عنجد نسيت بننتي و ضليت مكاني ما تحركت لعل و عسى يرجع الولد و مرت ربع ساعه يمكن بس حسيتها سنين شفت ابني جاي و معه شرطي و ابني بياشر علي حضنت ابني وانا ابكي و اساله وين رحت حكى رحت اشتري من الدكان لانه كان كل ما نروح على المنتزه ابوه يشتريله من هناك الا هذه المرة و الحمدلله عدت على خير