أخي في الله لاتفكر فيها قد ماتقدر حاول تتناساها هي صارت ماضي...لا تخرب حاضرك بتفكيرك بالماضي
سويت وسويت وهي سوت وسوت ...بتاكل عمرك بالتفكير بشي ما يستاهل هي ماتستاهل صح؟ اكيد صح خلاص طول الوقت قول ماراح افكر بالماضي انا رجل الحاضر اكتب هالعباره وعبارات تقوي من عزيمتك وترفع من معنوياتك وتعزز ثقتك بالله اولا وبنفسك ثانيا وعلقها على المرايه او على جدار الغرفه
خلاص ماضي وانتهى انتهى انتهى ماراح اضيع مستقبلي علشان ناس ماتستاهل لو عرفوا اني كذا راح يقولون انهم انتصروا علي وراح يتشمتون فيني راح اثبت لها ولغيرها اني اقوى من اي شي واني ماعاد احتاجها
ماشاء الله واضح من شخصيتك انك انسان عقلاني وقوي خلاص حط كل قوتك وكل تفكيرك بدراستك اذا هي دمرت نفسيتك لمده سنه تقريبا لا تخليها تستمر بتدميرك سنوات انت اقوى مما هي تتصور ماشاء الله انت عندك عزيمه وإراده تكون مثل ما إنت تبغى بس اخرج من التفكير السلبي اللي انت حطيت نفسك فيه لاتخليها محور تفكيرك الله لايردها والله اني انقهرت عليك وانا ماعرفتك الا من هالسطور كيف امك وابوك واهلك كلهم لو يدرون انك لسا تعاني ولسا عايش على الماضي اذا ماتقدر تنسى علشان نفسك فعلشان امك اللي اكيد من رحت من عندها وهي عارفه وحاسه بمدى الألم والحسره اللي انت فيها وان كانت ما بينت لك ..اكيد طول الوقت تفكر فيك وشايله همك طمنها عليك وفرحها بشهادتك وإرفع روسهم بنتايجك كل ماجات في بالك اتذكر امك اتذكر نظراتها وخوفها عليك ودعوتها لك وقلقها عليك ...اتذكر انت بنعمه احسن من غيرك ...اذا انت تنام غيرك ماينام من السحر والجن اللي يشوفونهم ...اذا انت تحب وحده ماقدرت حبك وباعتك غيرك يحبون بعض ويموتون في بعض وغيرهم فرقوا بينهم وخلوا بقلوبهم حسره...اذا انت تمشي ماشاء الله ومو محتاج احد غيرك مايقدر يروح للحمام وانت بكرامه الإ احد يروح معاه ويحس بكسره وحزن..إذا انت تقدر تاكل باليوم ثلاث وجبات غيرك مو محصل كسرة الخبز..إنت بنعمه والله بنعمه إحمد ربك واستغفره كثير وقوم اتوضأوصلي ركعتين وابكي بسجودك واطلب من رب العباد يعينك ويوفقك ...ابكي ..اترجاه..استسمحه..تضرع بالدعاء له ...ألح عليه..ما احد بيده اي شي مهما اتعاطفنا معاك مهما دعينالك بالغيب ..مافيه احن عليك من الله ...الله بيده كل خير وبيده مفتاح كل شي (ومن يتقِ الله يجعل له مخرجاً)..انساها انساها لاتعطيها اكبر من حجمها ...ادري بتقول الكلام سهل ..انت حاول حاول حاول لا تسجن نفسك بالتفكير فيها لانها ماتستاااااااااااااااهل

الله يوفقك ويكون معاك وربي يحفظك من كل سوء يارب...نستودعك الله