أختي الكريمة

اسمحي لي بسألك سؤال :

أنتِ تقدرين تثبتين كل حقوقك قانونيا ؟
لا والله للاسف ما اقدر اثبت شي ولا عندي اي شي كل شي باسمي
يا أختي بارك الله فيك

اذا تستتطيعين فطالبي بكل حقوقك والمؤمن القوي خير وأحب الى الله من المؤمن الضعيف

الفلوس اللي بترمينها على رجل (( نصاب )) خذيها طال عمرك واحفظيها لولدك لا كبر يلقى أمه ذخرت له أموال يتزوج فيها ولا يدرس فيها تخصص متميز ..
رب العالمين ما أمر بأن يجعل الانسان نفسه ( لعبة ) بيد الآخرين
ممكن تعلميني ايش اسوي انسان وثقت فيه واعطيته كل شي وخذلني ولا عندي شي يثبت كيف اتصرف لا اهل هميتهم للا سف اختي الماضي الدفين الموضوع تعدى موضوع فلوس بس انا متورطه بتوكيل ولا احد فاضي من اهلي مشغولين بزواجهم ودراستهم كنت انتظر هذي الا جازه عشان اخلص من هم التوكيل
والخطر المهدد لوظيفتي بس للا سف الكل مو فاضي وراح انتظر فضوتهم وفكرت بمحامي بس لا زم من وجود احد من اهلي وشوفي عاد متى يتذكروني
الله يسامحه على اللي أخطاه في حقك نعم , وما أطالبك تدعين عليه


ولكن حقوقك المالية اذا تقدرين تستخرجينها استخرجيها وطالبيه بكل ما دفعتيه وخذي نص العمارة اللي جالسة تدفعين نصها ..
ياليت والله بس تدرين حبيبتي مشكلة القرض محد يدري فيها الا اخوي ابوي لو يدري كنت في خبر كان
ومحد يدري بموضوع العماره والقرض الا اخوي وهنا المشكله واخاف والله من ردة فعل ابوي لان ابوي للا سف مركز على سالفة الفلوس



أرجوك توجهي لمحامي واستشيريه واحفظي مالك لك ولأولادك
ياليت اقدر بس والله من غير احد معاي ما اقدرانا مشكلتي مشكله والله تدري كم عدد اخواني وهذا من غير اولا د اخوي الشباب خمسه والكل مشغول بنفسه
صدقيني بعد طلاقي

أصبحت أكره المرأة الضعيفة التي تجعل نفسها كالـ نمل يدوسها الرجال كما يشاؤون ...
انا مو ضعيفه بس حاجتي لمن يوقف جنبي من الا هل
هذا غيران هذا الرجل اعرفه زين راح يعذبني في ولدي
وانا مستعده اتنازل عن اي شي لا جله اكيد انتي فاهمه احساس الام
تدرين ان مره اخذ ولدي واحتجزه عنده لولا تخل اخوي وجلوسه معه ومجاراته بكذبه كاني ماشفت ولدي وللاسف ابوي تدرين وش موقفه في هذا الوضع خليه ياخذ ولده بس لا زم تسافري وتداومي اهم شي دوامك وولدي محد فكر فيه ولولا اصراري على اخوي كان دخلت في متا هات
انا ابتعد عن اثارت هذا الرجل العدواني عشان ولدي والله فهمتيني
انا افتقد الرجل الرشيد الحكيم في اهلي وبكل صراحه

أعانكِ الله وفكري بكلامي

هذا الرجل يجب أن تجعليه عبرة لمن لا يعتبر
الله كريم يا خذلي حقي هو القادروحده

هذا الرجل جعل أعراض المسلمين لعبة

عززي ثقتك بنفسك بارك الله فيك فواضح اهتزازها جدا
نعم للاسف
فان كان فقدان الثقة بسبب الشكل مثلا :

فابحثي عما يناسبك من لبس وموديلات وألوان , واختاري موديلات أنيقة تعزز ثقتك بنفسك لأن بعض النساء لا تعرف كيف تهتم بنفسها
ليس بسبب الشكل فقط بل بسبب والدي سا محه الله ابي قاسي لدرجه لا تتخليها لم اشعر بحنانه
ابي للاسف غاليتي اتخذ اسلوب القمع في تربيتنا والقسوه هذا غير تسلطه على امي قبل سنين ومعاملته لا خوتي القاسيه تصدقي لو قلتلك تمنيت ازوج عشان ابعد عن حياة ابي
لا رتاح عزيزتي ابي للا سف المال عنده الا هم من ان يشعرنا بحبه واهتمامه سواء معي اومع اخوتي فتخيلي ثاني يوم بعد الملكه جاني يطلبني من المهر ووالله اعطيته 5000 قلت ابوي يمون يابنت
ويوم الزواج وبساعات قبل اروح للقصرجاء وتدرين وش قلي والله العظيم جاء طلبني فلوس وكلمة مبروك والله ما قالها اسالك بالله يا اختي وين اروح منهم ومن تفكيرهم اني انا مجرد بنك يدر فلوس وبس لا رجال ولا اب رحموني والحمدلله على كل حال انا مو ضعيفه بقدر ما احتاج سند لي يعيني في محنتي

وفقكِ الله غاليتي
الله يجزاك خير

كوني قوية