كيف اتصرف ساعدوني
مساء الخير على الجميع
هي مشكله شوي معقده
اتمني الاقي من يرشدني الي الحل الانسب
مره كنت ماشيه في الشارع انا وبنت جارتي
وهي شابه وعمرها تقريبا 20 سنه رايحين علي النادي الرياضي
وفجاءه قامت تصرخ وشفت سياره مشت من جنبنا
وفيها شاب يطالع علينا ويضحك
قلت لها سحب منك الشنطه وقبل لاتجاوب لاحظت ان شنطتها
موجوده علي كتفها
قلت لها ايش بك
وهي مستحيه ومغطيه وجهه بيدها قالت لي مسكني من ورا
وقامت تدعي عليه هي منهاره
وانا جلست فتره مصومه
وقلت لها اكيد حيرجع وكان كلامي صحيح مر مره ثانيه من الشارع الثاني
وقالت لي خذي رقمه بس كانت السياره بعيده شوي فما امداني اخذه
بس حتي لو اخذته ايش بنقدر نسوي له
حسبي الله ونعم الوكيل
البنت قالت لي انها ماحتكلم امها عشان لاتمنعها من الروحه للنادي
وقلت لها خلاص انا كمان ماحقولها بس بشرط
ان ابوك يوديك في الايام ايلي انا اكون ماني رايحه فيها
قالت لي طيب ان شاء الله بس يوافق ويكون موجود
انا الان في حيره من امري هل اخبر جارتي بما حصل لابنتها
لتحرص عليها اكثر
او اسكت كما اتفقت مع البنت
والله احس اني جالسه اغش جارتي وما اني عارفه كيف اتصرف
ارجوكم ساعدوني كيف اتصرف
ملاحظه انا وجارتي نعتبر اكثر من جيران ولله الحمد
انتظركم
اختكم / ام عبد الرحمن
__________________
الحمدلله علي أنعم الله الظاهره والباطنه
التعديل الأخير تم بواسطة & نور دبي& ; 07-06-2011 الساعة 10:19 PM